Ite(m) na dat voe(r) meye(r) ende scepen(en) van loeven in recht comen/ sijn goert van haeght en(de) jan de becke(re) die na de(n) recht d(er)/ stat va(n) loeve(n) comen en(de) geleydt zijn tot de(n) goede(n) aleite(n)/ docht(er) jans reyners wile(n) de h(er)toge en(de) weduwe jans wile(n)/ scherme(re) dieme(n) hiet coppens in de haerre zweg(er) in deen/ side en(de) janne tuyl goutsmet die na de(n) selven rechte d(er) stat/ van loeve(n) comen en(de) geleidt is tot de(n) goeden kath(er)inen weduwe/ henrics wilen solle in dande(re) daer bedingt worden de/ goede hier na bescreve(n) Inde(n) yerste(n) de helecht van ene(n) huyse/ en(de) hove met zijnre toebeh(oirten) gelege(n) te cortbeke ov(er)dyle op/ dov(er)biest It(em) de helecht van vijf dach(mael) lants gelegen/ ald(aer) boven dover biest neve(n) de goede wouters goetgebour/ It(em) een beemdeken gehete(n) tpoeteeusel gelege(n) te cortbeke vors(creven)/ op de dyle ald(aer) Ite(m) noch een beemdeken gelege(n) tot olmendael/ acht(er) den bogart jans wile(n) goetgeboer So hebbe(n) de vors(creven)/ p(ar)tijen hae(r) aensprake en(de) v(er)antw(er)den na vormen van rechte gedaen/ en(de) ten eynde hebbe(n) de scepen(en) van loeven bi mae(n)nissen/ smeyers va(n) loeven gewijst voe(r) een vo(n)nisse datmen de(n)/ voirs(creven) goerde van haeght en(de) janne den becke(re) vande(n) vors(creven)/ goeden houden sal in hae(re)n beleyde en(de) want de wed(er)p(ar)tie/ testament ruerde(n) dat late(n) de scepen(en) va(n) loeven gaen/ daert sculdech is te gaen cor(am) pynnoc wit(te)[ma(n)] vynck/ boys novembr(is) xix anno xxxvii