Van lybrechte van arscot/ It(em) roelant van weez diemen heet van doerne in jegen/ wordicheyt d(er) scepen(en) va(n) loeven gestaen heeft geloeft op/ sijn lijf en(de) op sijn goet en(de) op zoenbreke en(de) peysbreke te/ sijn dat hi lybrechte van arscot nu(m)mermeer hatye vede/ viantscap noch wangonst doen noch drage(n) en sal noch/ hem daghe(n) noch moeyen buten lants noch hem te/ camp eysschen oft crencke(n) aen lijf noch aen goet bi hem/ selven noch by nyemant anders in negheenre manie(re)n/ Bekennende ende verlyende openbaerlic de vors(creven) roelant van/ doerne so waer hi hier jege(n) dade dat hi dan wae(r)/ en(de) sijn soude peysbreeck en(de) zoenbroeck en(de) sijn lijf en(de) sijn/ goet v(er)waert soude hebbe(n) ond(er) alle he(re)n en(de) gerichte d(aer)/ hi ond(er) vonden sal w(er)de(n) Op also eest dat de vors(creven)/ roelant de(n) vors(creven) lybrechte yet te eyssche(n) oft aen te/ spreke(n) heeft dat hi dat doen mach mette(n) rechte/ cora(m) ever(ardo) de wynghe burg(i)mag(ist)ro ac will(el)mo/ lombart (et) waltero witteman scabinis lov(aniensibus) anno/ xxxvii dece(m)br(is) nona