Van gheerde vand(er) haghe(n)/ Ite(m) het sijn comen in recht voe(r) meye(r) ende scepen(en) van loeve(n) inde/ banc ald(aer) jan roelants van ned(er)lynthre als wettich man en(de) mo(m)boe(r)/ juliane(n) sijns wijfs docht(er) wouters wile(n) vanden broeke sjongen/ in deen side en(de) gheert vand(er) haghen die na de(n) recht der stat/ va(n) loeve(n) comen en(de) geleidt is tot de(n) goeden jans vande(n) broeke/ soen wout(er)s wile(n) vanden broeke des jonge(n) geertrude(n) sijnre zust(er) weduwe/ willems wilen gaens en(de) gheerde gheerts en(de) juliane(n) zijns wijfs zust(er)/ des vors(creven) jans en(de) geertruyde(n) vande(n) nabedde des vors(creven) wile(n) wout(er)s/ vanden broeke des jonghen in dande(re) daer tussche(n) de vors(creven) twe/ p(ar)tijen bedingt worde(n) de goede hier na bescreven Inde(n) yersten/ een halve zille lants gelege(n) inde p(ro)chie van ned(er)lynthre op/ dachterste doncbroeck tussche(n) de goede dierics van ophem/ en(de) de goede lijsbette(n) aussems It(em) een groet zille beemds gelege(n) inde/ selve p(ro)chie opt vorste doncbroeck tussche(n) de goede jans van/ oppendorp des jonghe(n) en(de) de goede jannes de haze It(em) een half/ zille lants gelege(n) opten bruele inde p(ro)chie voirs(creven) tussche(n) de goede/ wout(er)s vanden broeke en(de) de goede jans vanden bisdo(m)me It(em) i(½) zille/ beemds gelege(n) inde selve p(ro)chie acht(er) de(n) hof wouters y(m)men tussche(n)/ de goede peters va(n) hoegen en(de) de goede gheerts van hale(n) It(em)/ een half boend(er) beemds gehete(n) den hof te broeck gelege(n) inde/ vors(creven) p(ro)chie tussche(n) de goede bertelmeeus vanden broeck en(de) jans/ de becke(re) It(em) tderdel van ene(n) halve(n) boend(er) beemds gelege(n) acht(er)/ac vertrike tussche(n) de goede lijsbette(n) aussems en(de) de goede henrics/ troys Daer de voirs(creven) jan aussems roelants ond(er) den ande(re)n/ v(er)socht bi seke(re)n redene(n) dat hem als mombour sijns wijfs vors(creven) de/[voirs(creven) goede] volgen soude(n) en(de) gheert vand(er) haghen dede v(er)sueken en(de) yesch/ dat hem en(de) sinen beleyde tkijnsgedeelte d(er) vorg(enoemde) drie p(er)soen/ volghen soude mids dat doude wout(er) vanden broeke en(de)/ wile(n) juliane sijn wijf beyde lang(er) leefde(n) dan de(n) yersten/ stoel des vors(creven) wile(n) woute(r)s des jonghen duerde gemerct/ dat dwijf des selfs wile(n) wouters sjonghen doet was/ / den voirs(creven) woute(re)n wile(n) vande(n) broeke en(de) sine(n) wive beyde levende/ gelijc de wed(er)p(ar)tije hem dat kendde En(de) also quamen de vors(creven) goede/ op de(n) voirs(creven) wilen woute(re)n vande(n) broeke de(n) jonge(n) en(de) geertruyde(n) sinen/ wive met alrehande meer woerde en(de) redene(n) die de vors(creven) p(ar)tijen/ in beyde(n) sijde(n) daer toe dede(n) segge(n) en(de) allige(re)n Uut de(n) welken ten slote/ de meye(r) van loeven maende de scepenen van loeven die wijsden/ voe(r) een vonnisse na aensprake na v(er)antwerden en(de) na al dats voe(r)/ hen comen wae(r) dat den voirs(creven) gheerde vand(er) haghen en(de) sinen/ beleyde volghe(n) sal tkijnsgedeelte vanden goeden voirscr(even) vande(n) drie/ p(er)sone(n) inden voirs(creven) beleyde begrepen en(de) want de voirs(creven) jan roelants/ instrumente(n) van huwelike(n) vorwerde(n) ruerde dat liete(n) de scepen(en) gaen/ daer dat sculdech is te gaen cor(am) pynnoc milite will(el)mo lomb(ar)t/ jud(oco) absoloens walt(ero) py(n)no wittema(n) arnoldo vynck dyonisio/ boys (et) andrea de voshem scabinis lov(aniensibus) dece(m)br(is) xiiii