Van gheerde sweerts natuerlic sone h(ere)n/ gheerts wilen sweerts priesters/ Het sijn comen in recht voe(r) meye(r) en(de) scepen(en) van loeven inde banc ald(aer)/ gheert sweerts voirscr(even) die na den rechte d(er) stat van loeven comen is/ tot de(n) goeden henric sweerts sijns oems in deen side en(de) jannes vande(n)/ p(er)lic van desschele in dande(re) daer de voirs(creven) jannes de(n) vors(creven) gheerde/ aensprack dat hi hem geloeft soude hebben te goeden en(de) vestighen/ in een eeusel gehete(n) den voertkensaert gelege(n) inde p(ro)chie van casterle/ aen voertkensdijck mids dat de voirs(creven) gheert die(n) geloeft soude hebben/ in huwelike(r) vorw(er)den te gheven den voirs(creven) jannes vande(n) p(er)lic met/ marien sijnre dochter die de selve gheert tot ene(n) wive hebben soude met/ meer ande(re)n goede(n) te wete(n) een mudde rogs erfs pachts dat ter lossinge(n)/ steet met xix peters en(de) dies gelijx van alle de(n) ande(re)n goeden die hem/ de voirs(creven) henric sijn oem met scepen(en) brieve(n) van loeven gelaten heeft/ en(de) oec van alle der haven die hi houdende was Daer op de vors(creven)/ gheert antw(er)de seggende dat hi des niet sculdech en wae(r) te doen wa(n)t/ de voirs(creven) jannes hem de voirs(creven) sijn docht(er) niet gheven en woude en(de) aldus/ dan so en waer hijs niet sculdech te vestighen voe(r) aen d(er)re tijt dat/ de voirs(creven) huwelic toeghinghe met meer woerden die hi noch daer toe/ dede segghen Also dat na desen de scepen(en) van loeven bi mae(n)nisse(n)/ smeyers van loeven wijsde(n) voe(r) een vonnisse dat de vors(creven) jannes/ metter voirs(creven) aenspraken opten voirs(creven) gheerde noch tertijt te vruegh/ op wae(r) cora(m) d(omi)no ludovico pynnoc milite will(el)mo lomb(ar)t/ judoco absoloens waltero witteman et dyonisio boys scabinis lovan(iensibus)/ anno m[mo] cccc[mo] xxxvii decembr(is) xvii