Van gerart de molde(re)/ Item jan radewart sone gielijs wilen radewart in jegen/ wordicheit d(er) scepene(n) van loeven gestaen heeft geloeft op sijn lijf/ en(de) op sijn goet en(de) op zoenbreke en(de) peysbreke te sijn dat hi den/ voirs(creven) gerart de molde(re) nu(m)mermeer hatye vede wangonst noch/ viantscap doen noch dragen en sal noch hem daghen noch moyen/ buten lants noch hem te camp eysschen noch hem crencken oft/ hijnde(re)n aen sijn lijf bi hem selven oft bi yemant anders in/ e(n)nig(er) manie(re)n Bekennende en(de) v(er)lijende openbaerlic de voirs(creven) jan/ radewart so waer hi hier jegen dade dat hi dan wae(r) en(de) zijn/ soude zoenbreke en(de) peysbreke en(de) sijn lijf en(de) sijn goet verboert soude/ hebbe(n) ond(er) alle he(re)n en(de) gerichte daer hi onder vonden sal w(er)de(n)/ Op also eest dat de voirs(creven) jan radewart de(n) vors(creven) gerart yet/ te eyssche(n) oft aen te spreke(n) heeft dat hi dat doen mach metten/ rechte In for(ma) meliori p(rese)ntibus everardo de wynghe burg(i)mag(ist)ro/ will(el)mo lombart (et) dyonisio boys scabinis lov(aniensibus) dec(embris) xviii anno/ xiiii[c] xxxvii