Van goerde dierix/ Item uut dien dat jan vande(n) putte van diedenhe(m) mette(n) rechte/ aengesproke(n) heeft inde banc voir meyer en(de) scepen(en) van loven(en) den/ voirs(creven) goerde dierix seggende dat hij hem sculdich wae(re) ende gelooft/ hadde te betale(n) ix gripen xxiiii halst(er) rogs en(de) i(½)[c] mandele(n)/ stroes elc mandele weert sijnde ene(n) stuver en(de) sond(er) die xxvi g(ri)pe(n)/ die de voirs(creven) gord he(m) gelooft hadde met scepen(en) brieve(n) van thiene(n)/ de welke hij buyte(n) staen liet en(de) dat hij he(m) dit gelooft hadde dat/ boet hij te thoene(n) (et)c(etera) Dair op de voirs(creven) gord hem verantw(er)dende segge(n)/ dede dat wae(r) wae(re) dat hij den voirs(creven) go ja(n)ne vande(n) putte geloeft/ hadde xxvi g(ri)pen voir scepen(en) van thien(en) de welke hij hem gep(rese)nteert/ hadde te betale(n) [en(de) opten wissel geset] op also dat hem sijne(n) brief volgen mochte en(de) noch/ wae(re) hij hem sculdich ix g(ri)pe(n) en(de) die hadde hij [oec] opte(n) wissel geset tsine(n)/ behoef vuer dander dat jan vande(n) putte yessche dat wair d(aer) mede/ al in gerekent en(de) d(aer) af en hadde hij hem niet gelooft noch en/ wae(re) hem d(aer) af niet sculdich en(de) dies boot hij sine(n) eedt met meer/ woirde(n) die sij in beyde(n) sijde(n) dede(n) seggen Soe hevet tvo(n)nis/ d(er) scepen(en) van lov(en)en gewijst soe wair de voirs(creven) gord sine(n) eedt dade/ gelijc hij gep(rese)nteert hadde dat hij d(aer) mede soude gestaen welke(n)/ eedt de voirs(creven) gord ter stont openbairlic volcomelic dede hopende
//
en(de) seggende nae den eedt dien hij gedaen hadde en(de) nae den/ vonnisse dat de scepen(en) d(aer) af gewijst hadden dat hij ongehoude(n)/ sijn soude vander cost die hij inde vroente gedaen hadde wanten/ de voirs(creven) jan tonrechte hadde doen houden et(cetera) Dair op dat de/ scepen(en) van lov(en)en wed(er) gemaent worden vande(n) meye(r) en(de)/ wijsden voir een vonnisse dat de voirs(creven) ja gord dierix ongehoude(n)/ soude(n) sijn vand(er) vroentcost vander tijt voirt dat de selve gord de/ tvoirs(creven) ghelt opte(n) wissel gesedt hadde en(de) den voirs(creven) ja(n)ne/ gekundicht lomb(ar)t abs(oloens) boys voshem januarii xviii