Item want and(er)wijl stoet en(de) tebat geweest zijn tusschen arnde/ van tolifa als wettich man en(de) mombour joffr(ouwe) m(ar)griete(n) vanden/ kerchove sijns wijfs docht(er) goessens wilen vanden kerchove in deen/ side en(de) de momboe(re)n arnts van zelke sone goessens wilen van/ zelke noch ond(er) sine daghe zijnde en(de) gerarde van zurpele die na/ den rechte d(er) stat van loeven comen en(de) geleidt is tot de(n) goeden/ joffr(ouwe) odilien weduwe des vors(creven) wilen goessens van zelke in dande(re)/ vanden goeden hier na bescreven Inden yersten van ene(n) bossche/ gehete(n) sondereyghen houdende vii boende(r) gelege(n) tot webbekem/ int ghemeyn broeck ald(aer) It(em) van ene(n) stuck lants gelege(n) ald(aer)/ voe(r) den crauwelshof tusschen de goede vranx vanden veken(en)/ en(de) de goede jans van outhalen It(em) van ene(n) stuck lants ge/ legen opte hegghe tusschen de goede der joffr(ouwe) luykers/ en(de) de goede jans smeeds en(de) d(aer) na de raet vand(er) stat een/

t(er)minacie tusschen de voirs(creven) p(ar)tijen vande(n) voirs(creven) goeden gemaect/

en(de) get(er)mineert heeft welke t(er)min [d(aer)af] een t(er)minacie gemaect/ en(de) uutgesproken es gelijc die gescreven steet int boeck/ van xxxii neghe(n) daghe in merte en(de) de p(ar)tijen/ / te wete(n) de momboe(re)n des voirs(creven) kijnts en(de) oec de moed(er) vande(n)/ selve(n) kijnde in cont(ra)rien vand(er) t(er)minacien voe(r)gheruert voe(r) den/ raet vand(er) stat alrehande saken v(er)volght hebbe(n) den vors(creven) arnde/ va(n) tolifa als mombour joffr(ouwe) m(ar)griete(n) sijns wijfs voirs(creven) altijt v(er)sueken(de)/ datmen hem in sijnre goedinghe(n) oft in sijnre t(er)minacien houde(n) woude/ Daer om eest dat de raet vand(er) stat van loeven get(er)mineert/ heeft voe(r) reden en(de) recht dat sij blive(n) bi alsulker t(er)minacien als/ de stat va(n) loeve(n) voe(r)maels get(er)mineert heeft Act(um) (et) t(er)minatu(m)/ in pleno consilio anno xxxvii me(n)s(is) januarii die xxii