It(em) jacob uute(n) lyemi(n)ghen vranc willemair inde scepstrate [scrijnstrate]/ en(de) wouter meys sijn comen voe(r) den rade en(de) scepen(en) va(n) loeve(n)/ en(de) hebbe(n) gedrage(n) en(de) getuyght op hae(re)n eet ten heylighen/ dat hen wel kenlic es dat jan van gheele sone wile(n) jans/ van ghele geloeft en(de) toegeseeght hadde heeft pete(re)n/ willem(air) jans sone dat hij half [den zoene en(de)] de(n) last draghen sal van/ alsulk(er) zoene(n) als de voirs(creven) peter doen soude en(de) nu geschiet is/ van dat de selve pet(er) van live t(er) doet bracht dyonijsken gheerke(n)/ wile(n) pyron dieme(n) hiet doelsleghe(re) behoudelic dien dat de/ voirs(creven) pet(er) de(n) vors(creven) janne van gheele sine(n) neve te hulpe(n) geve(n)/ soude tott(er) hulpen vand(er) cost dat de selve jan inde vroente/ tot loeve(n) gesete(n) hadde xx gul(den) peters Noch droeghen/ de voirs(creven) jacob en(de) vranc dat kath(ar)ine weduwe jans wile(n)/ van gheele en(de) moed(er) des vors(creven) jans van gheele de(n) selve(n)/ janne hae(re)n sone bat dat hi de helecht vand(er) voirs(creven) zoene(n) [mette(n) laste]/ drage(n) woude gelijc voirs(creven) is biddende beyde moed(er) en(de) soen/ janne calaber en(de) vrancke(n) willem(air) inde scepstrate die tot/h de(n) goede(n) des voirs(creven) wile(n) jans van gheele na de(n) recht d(er)/ stat va(n) loeve(n) come(n) en(de) geleydt sijn also vele goets soude(n)/ wille(n) v(er)cope(n) en(de) goeden vande(n) goede(n) voirs(creven) als de vors(creven) helecht/ vand(er) voirs(creven) zoene(n) gedrage(n) soude ind(er) manie(re)n als voe(r) v(er)claert is/ Oec droeghe(n) de voirs(creven) vranc willem(air) inde scrijnst(ra)te en(de) wout(er)/ meys dat de vors(creven) jan van ghele tot loeve(n) was na dat de vors(creven)/ soene geschiede also dat mids dien de(n) selve janne wael kundich/ was hoe hoghe den last vande(n) zoene(n) gedroeght cora(m)/ kersmake(re) wynghe burg(i)mag(ist)ris judoco abs(oloens) (et) voshem/ scab(inis) lov(aniensibus) (et) q(uam) plu(r)ib(us) de consilo januarii xxii