Van wigge(re)n wigghers/ Het sijn comen int recht voe(r) meye(r) en(de) scepen(en) van loeven/ jan van ned(er)hem in deen side en(de) de voirs(creven) wigg(er) in dande(re)/ daer de voirs(creven) jan den voirs(creven) wigge(re)n aensprac dat hi hem/ geloeft hadde te deylen inden name van henricke(n) nat(ur)lic soen/ jans wilen vand(er) heyden natuerlic brued(er) des vors(creven) jans van/ ned(er)hem te dey half de have die bleef na de doet des vors(creven)/ wilen jans vand(er) heyde(n) en(de) oec half de erfgoede des selfs/ wilen jans bi vele redene(n) die de voirs(creven) jan van ned(er)hem d(aer)/ toe dede segghen daer bi [toe] bi alrehande thoe(n)nisse hem v(er)mat/ Op dwelc de vors(creven) wigg(er) hem verantw(er)de seggende dat/ hem de vors(creven) aensprake gheen onstade doen en soude en(de) bi vele/ redene(n) en(de) besund(er) want de voirs(creven) jan van ned(er)hem gheen/ momboe(r) en wae(r) na de(n) lantrechte mids dat de vors(creven) wile(n) jan/ vand(er) heyden sijn bastart brued(er) was en(de) al mucht hi e(n)nich bescheyt/ daer in hebbe(n) so en wae(r) hi mer een vijfste man af des/ hi alleen niet v(er)volge(n) en mochte Hopende en(de) seggende te(n) slote/ de voirs(creven) wigg(er) dat hi de(n) voirs(creven) janne van ned(er)hem gheen/ gelufte vord(er) gedaen en hadde dan alleen na inhebbe(n) vanden/ testamente en(de) boet d(aer) af sijn thoe(n)nisse tot welke(n) sijn in/ beyde(n) side(n) gewijst worden Also dat ten slote de meye(r)/ van loeven maende de scepen(en) van loeven die/ / wijsde(n) voe(r) een vonnisse na aensprake na v(er)antw(er)de(n) en(de) na thoe(n)niss(en)/ dat alsulke(n) aensprake als de voirs(creven) jan van ned(er)hem tot de(n) vors(creven) wigge(re)n/ gedaen hadde de(n) selve(n) wigg(er) gheen onstade doen en soude behoudelic dien/ eest dat yema(n)t e(n)nich recht mette(n) testame(n)te volge(n) wilt dat hi dat doen mach/ ter plaetsen daer dat behoert cor(am) [pynnoc] lomb(ar)t w abs(oloens) wittema(n) boys voshem/ febr(uarii) p(ri)ma