Van b(er)thelen vande(n) bossche en(de) sine(n) vriende(n)/ Item uut dien dat ywein vand(er) berghe mette(n) meye(r) en(de) scepen(en)/ van loven(e) beleit es tot den goeden berthelmeeus vand(er) bossche soen/ jans wilen vande(n) bossche des jongen en(de) gevorw(er)t was dat die/ brieve alhier soude(n) blive(n) liggende tott(er) tijt toe dat de voirs(creven) b(er)thel/ en(de) ywein gesamend(er) hant dair om quame(n) Ende dae(re)n boven was/ bevolen vanden borg(er)meest(er) en(de) raet vand(er) stat van lov(en) datmen/ mette(n) voirs(creven) brieve(n) niet werken en soude ten wae(re) bij hoe(re)n/ wete(n) dwelc de selve stat van loven(e) beval uut beede(n) en(de)/ scrive(n) der stat van love mechlen Also dat de voirs(creven) ywein/ qua(m) bijde he(re)n vand(er) stat van lov(en) en(de) beyde me trecht vand(er)/ stat mette(n) voirs(creven) brieve(n) te vorde(re)n dwelc de stat van loven(e)/ niet doen en woude sij en woude de vriende des voirs(creven) b(er)thels/ / horen spreke(n) dair voe(r) de voirs(creven) stat van mechle(n) voirmaels/ gescreve(n) hadde ende den vrienden des voirs(creven) b(er)thels ind(er)/ stat van loven(e) come(n)de sijn sijs mette(n) voirs(creven) b(er)thel en(de) ywein/ mett(er) mynne(n) vrientlic verenicht Soe eest dat come(n) sijn/ in jeg(enwordichheit) d(er) scepen(en) van loven(e) de voirs(creven) b(er)thel en(de) yweyn en(de)/ hebben geconsenteert en(de) gewillecoirt dat de voirs(creven) brieve/ alhier selen blive(n) liggende sond(er) die hen oft e(n)nige(n) van hen/ te gheve(n) oft dair mede e(n)nige(n) goede te moege(n) vercope(n) oft/ belasten in e(n)nig(er) manie(re)n ten wae(re) bij wete(n) wille en(de) co(n)sent/ mathijs blanke berthels vand(er) voirt peters van eelwijt en(de)/ henrix van erpe eendrechtichlic ten wae behoudelic dien/ datme(n) den voirs(creven) yweyn mette(n) voirs(creven) brieve behulp doen sal/ om de rente(n) des voirs(creven) b(er)thels vande(n) bossce d(aer) mede in te/ voe(re)n en(de) om and(er) beletsel datme(n) hem aen sijn goede doen/ mochte Voirt hebbe(n) gelooft en(de) toegesegght de voirs(creven) iiii p(er)sone/ den voirs(creven) b(er)thel vande(n) bossche dat de selve b(er)thel bynne(n) der/ stat van mechle(n) niet gehacht geva(n)ge(n) noch gespa(n)ne(n) en sal/ worden mer dat hij op vrylic op sijn voet sal moge(n) wandele(n)/ en(de) verke(re)n dairt hem gelieft Ende es noch vorwarde datme(n)/ bynne(n) d(er) stat van mechle(n) sal doen sette(n) eene(n) com dair in/ men alle derfbrieve des voirs(creven) b(er)thels vande(n) bossche te gade(r)/ met ene(n) scoutbrief van loven(e) die hij so(m)megen van sine(n) vriende(n)/ bekent heeft sluyte(n) sal dair af de voirs(creven) b(er)thel ene(n) sloetel hebbe(n)/ sal en(de) de vriende ii oft iii en(de) dair in niet ing gaen ten/ sij dat sij alle iiii mette(n) voirs(creven) b(er)thele(n) bij een sijn sele(n) Ende/ hier op heeft voirt geloeft de voirs(creven) b(er)thel dat hij sijn goede niet/ meer beco(m)me(re)n noch belaste(n) en sal voir hof en(de) he(re) dairse gelege(n)/ sijn boys voshe(m) febr(uarii) xiiii