Van janne vander doeseldonck/ It(em) want jan vand(er) doeseldonck die na de(n) rechte d(er) stat van/ loeven comen ende geleidt is tot allen den goeden beruerlic en(de)/ onberuerlic merselijs vand(er) doeseldonc en(de) joffr(ouwe) geertruyden/ spapen zijns wijfs so waer die goede gelege(n) zijn opten dach/ va(n) heden tot loeven inhadde doen scriven h(ere)n janne vand(er)/ brugghen ridde(r) als mercgreve en(de) scoutheit van antw(er)pen/ mids dat hi den voirs(creven) janne vand(er) doeseldonc de vors(creven) goede/ ongebruyck maecte daer de vors(creven) mercgreve niet comen/ en is den selve(n) janne vand(er) doeseldonc hem inde(n) rechte ald(aer)/ voe(r) meye(r) en(de) scepen(en) van loeve(n) p(rese)nte(re)nde en(de) na vormen van/ rechte versuekende datmen hem vande(n) voirs(creven) goeden houden woude/ inden vors(creven) sinen beleyde en(de) de scepen(en) van loeven d(aer) op biden/ meye(r) van loeven gemaent worden Daer om eest dat de/ selve scepen(en) van loeven gewijst hebbe(n) voe(r) een vonnisse/ so waer de vors(creven) marcgreve niet en comt ten opstaende/ des meyers en(de) d(er) scepen(en) datmen dan de(n) vors(creven) janne/ vand(er) doeseldonc vande(n) vors(creven) goeden houden sal inde(n) vors(creven)/ sine(n) beleyde also v(er)re alst noch voe(r) scepen(en) va(n) loeve(n) comen/ wae(r) cora(m) lombart wit absoloens witteman vynck/ des sat(er)sdaeghs p(ri)ma martii