Van jannes claes/ Het sijn comen in recht voe(r) meye(r) ende scepen(en) van loeven inde/ banck aldaer arnt van gobbelsrode diemen heet vanden hove/en(de) die na den rechte d(er) stat van loeven comen en(de) geleidt is tot/ den goeden wouters van gobbelsrode dieme(n) heet vanden hove sijns brued(er)s/ in deen side en(de) den vors(creven) jannes claes die geleidt en(de) gegoedt is/ met en(de) voe(r) meye(r) en(de) scepen(en) van loeven inde goede vrancs wilen claes/ sijns brueders in dande(re) daer de voirs(creven) arnt een aensprake dede vande(n)/ goeden die bleven zijn na de doet des voirs(creven) wilen vrancs claes met/ vele en(de) me(n)nig(er)hande redene(n) die hi inden rechte dede segge(n) en(de) allige(re)n/ en(de) specialic dat de vors(creven) wilen vranc gheen man en was die/ van redene(n) wege(n) brieve soude hebbe(n) mogen bekenne(n) En(de) al waert/ dat hi scepen(en) brieve van loeven bekendt hadde so begheerde hi/ nochtan die brieve selve te hebbe(n) en(de) so wae(re)n die d(aer) na ontvreemdt/ bute(n) sine(n) wille gelijc dat blijcte want doen de vors(creven) wilen vranc/ v(er)nam dat he(m) sine brieve ontvreemdt wae(re)n doen liep hi va(n) rouwe/ ewech en(de) sat ene(n) nacht datmens niet en vant en(de) dat dit al/ wae(r) was dat boet de vors(creven) arnt te thoenen en(de) mette(n) minsten (et)c(etera)/ Oec boet hi te thoenen dat der banc recht va(n) campenhout/ wae(r) al waert also dat een man die kijnde(re) hadde en(de) aflivich/ worde dat dan de kijnde(re) in haers vaders stat staen soude(n) met/ noch veel meer redene(n) en(de) woerde(n) die de vors(creven) arnt daer toe/ dede segghen Daer op de vors(creven) jannes claes hem v(er)antw(er)de/ v(er)suekende datmen hem vanden gedeelte des vors(creven) wile(n) vrancs/ sijns brueders houden woude in sine(n) beleyde en(de) goedinghen vors(creven)/ wantmen hem dat sculdech wae(r) te doen gemerct dat de selve/ wile(n) vranc sijn brueder sijnre goede wael mechtich was ter tijt/ dat hi de scepen(en) brieve van loeven maecte en(de) bekendde daer/ uut tvors(creven) beleydt en(de) goedinge geschiet zijn met noch meer/ notablen redenen die de vors(creven) jannes claes tot den vors(creven)/ sine(n) v(er)antwerden dede segghe(n) Aensprake en(de) v(er)antw(er)den/ aldus geschiet zijnde maende de meye(r) de scepen(en) van loeve(n)/ / de welke den voirs(creven) arnde wijsde(n) tot sinen thoe(n)nisse ten/ daghe van thoenen hem biden scepen(en) van loeven geset en/ thoende de vors(creven) arnt een noch negheen van des hi hem/ vermeten hadde Also dat daer na de meye(r) van loeven/ maende de scepen(en) van loeve(n) die wijsden voe(r) een vonnisse/ datmen den voirs(creven) jannes claes houden sal in sinen beleyde/ ende goedingen van des voirs(creven) vrancs wilen claes sijns/ brueders kijnsgedeelte vanden goeden die bleven sijn na/ de doet haerre beyd(er) vad(er) ende moeder cor(am) will(el)mo/ lomb(ar)t judoco absoloens waltero witteman arnoldo/ vynck dyonisio boys et andrea de voshem scabinis/ lovaniensibus martii t(er)tiadecima