Item want hans van glautburgh van vranckfurck janne/ wile(n) va(n) colen eysschende was een seker so(m)me va(n) ghelde die/ de vors(creven) wile(n) jan de(n) vors(creven) hanssen sculdech soude geweest zijn/ daer af alrehande handelinge bid(er) stat va(n) loeven geweest is/ gelijcmen dat inde(n) registre en(de) bueke(n) meest(er) gielijs vand(er) stoct/ sec(re)tar(is) d(er) stat va(n) loeven eens deels bevijnden sal en(de) nu anne/ en(de) pauwels kijnde(re) des vors(creven) jans van coelen vande(n) goede(n) des/ vors(creven) haers vaders als voe(r) hae(r) kijnsgedeelte trecke(n) en(de) hebbe(n)/ selen van wout(ere)n va(n) bealanden(en) hae(re)n zwag(er) Te wete(n) elc va(n)/ hen hondert rijders oft vanden selve(n) woute(re)n bewijst/ te sijn elc va(n) hen x mudde(n) rogs lovensch(er) maten/ lijfpe(n)sien tot hae(re)n live die de selve wout(er) quijte(n) soude moge(n)/ elc mudde d(aer) af met x gulden(en) rijders en(de) met volre lijfpensien/ Daer om eest dat goert vranx en(de) gheert de ke(m)me(re)/ come(n) sijn voe(r) scepen(en) va(n) loeve(n) en(de) hebbe(n) geloeft de(n) rade vand(er)/ stat va(n) loeven so waer d(er) stat va(n) loeven oft e(n)ighen/ / van hae(re)n porte(re)n en(de) ingeseten(en) in toecomenden tijden e(n)nigen last/ co(m)mer oft scade toequame vanden vors(creven) ja hanssen va(n) glautburgh/ oft va(n) yemande anders in sinen name oft va(n) sine(n) nacomelinghen/ om d(er) vors(creven) schout wille die hi de(n) vors(creven) wile(n) janne van coelen/ eysschende was dat si dat voe(r) elc vande(n) vors(creven) annen en(de) pauwelse/ verantw(er)de(n) selen tot hondert rijders toe ter goed(er) meyningen en(de)/ sond(er) argelist lomb(ar)t voshem martii xv