Item es gevorwart en(de) ondersproke(n) dat de voirs(creven) jan van boechout/ hem met den voirs(creven) brieve sal doen beleiden totte(n) goeden des/ voirs(creven) jans heyns en(de) sijns wijfs suster beyde have en(de) erve/ also verre die hen bleve(n) en(de) verstorve(n) sijn vand(er) doot h(e)r(e)n claes/ wilen ysenbaert priesters soe wair die belege(n) sijn en(de) niet/ voirde(re) Ende alse tvoirs(creven) beleit gedaen sal sijn soe selen es/ ond(er)sproke(n) en(de) gevorwart tusschen den voirs(creven) ja(n)ne van boechout/ in deen zijde ja(n)ne heyns en(de) sijnre suster ter ande(re) zijden gielise
//
boom als man en(de) momboir joffr(ouwen) beatrice(n) van caelmont en(de) engelbr(echt)/ vande(n) kerchove soen yngelbr(echts) wilen vande(n) kerchove ter derder zijden/ Inde(n) yersten es vorwarde dat de voirs(creven) jan van boechout alle de voirs(creven) goede/ alsoe verre die nae den voirs(creven) wile(n) h(e)r(e)n clase bleve(n) sijn mette(n) rechte sal/ helpen vervolgen bedingen en(de) uutwynnen dair af hij [tvierendeel vander] den cost dair/ op gaende de voirs(creven) jan heyns en(de) m(ar)griete sijn suster dander gielijs/ boom en(de) enghel vande(n) kerchove onder hen vie(re)n dander drievie(re)ndeel/ ghelden ende betalen selen Behoudelic dien dat de voirs(creven) gielijs boom/ en(de) enghel vande(n) kerchove den cost op de(n) voirs(creven) ja(n)ne heyns en(de) sijnre/ suster come(n)de verleggen sellen tot den eynde vande(n) rechte Voirtaen/ es vorwarde dat de voirs(creven) jan van boechout van allen den [voirs(creven)] goeden die/ hij mette(n) voirs(creven) beleide of anders met rechte bedingen en(de) wynnen/ sal deen vie(re)ndeel voir uut hebben sal voir sine(n) pijn (en)de arbeyt en(de) de/ voirs(creven) jan heyns en(de) m(ar)griete sijn suster deen helcht vande(n) remanant/ vande(n) voirs(creven) goeden en(de) de voirs(creven) gielijs boos boom en(de) engel dand(er) helcht/ vande(n) selve(n) ramana(n)te welc Vort es vorw(er)de dat wairt also dat/ de voirs(creven) gielijs boom en(de) enghel vande(n) kerchove de drie vie(re)ndeel vand(er)/ cost die opte voirs(creven) sake gaen sal en(de) die hen behoirt te v(er)legge(n) in tijts/ en(de) in ure(n) als dat geboe(re)n sal niet en verleiden en(de) mids dien versu/ menisse in e(n)nige vande(n) voirs(creven) saken geschiede dat [dan] de voirs(creven) jan van/ boechout van dien versumenisse ongehoude(n) sal sijn Voirtaen es vorw(er)de/ wairt also dat de voirs(creven) jan van boechout niet alsoe veel goede vanden/ voirs(creven) goeden gewynne(n) en conste met rechte als den cost die dair/ om gedaen sal worde(n) gedragen sal dat dan de voirs(creven) jan heyns/ en(de) sijn zuster vander v selv(er) cost ongehoude(n) sijn selen en(de) gestaen/ mette(n) ghene(n) te derve(n) dat gewonne(n) sijn sal Wart oec dat/ hij niet gewynne(n) en conste soe sal de voirs(creven) jan heyns en(de) sijn sust/ vand(er) voirs(creven) cost ongehoude(n) sijn ter goed(er) meyni(n)ge(n) en(de) sond(er) argelist/ Welc vorw(er)den geloften en(de) condicien voirscr(even) de voirs(creven) p(ar)tien gelooft/ hebben malcande(re)n te voldoen en(de) te volvue(re)n ind(er) manie(re)n gelijc/ voirscr(even) steet en(de) selen mids dien den scoutbrief en(de) beleitbrief/ onder de clercke blive(n) liggende tot dat de voirs(creven) p(ar)tien malcande(re)n/ vande(n) voirs(creven) vorw(er)de(n) voldaen selen hebben eisdem/