Van nijs moens den jonghen/ It(em) jan van mechlen soen henrix van l mechlen es comen in tegewoirdicheiden/ sburg(er)meesters ende der scepen(en) van loeven hier na genoemt en(de) heeft geloeft/ op sijn lijf ende op sijn goet en(de) op zoenbreke en(de) vrebreke te sijn dat hij/ om negheenrehande saken wille die gesciet moegen sijn tot opten dach toe/ van heden tuschen hem in deen zijde en(de) denijse moens den jongen becke(re)/ soen dyonijs moens in dande(re) Den selve(n) denijse den jongen nu(m)m(er)meer/ wangonst hatye vede oft vyantscap doen noch dragen sal noch hem/ crencken noch hijnde(re)n aen lijf oft aen goet noch te camp eysschen dage(n)/ noch mo[e]yen buyten lants biden hem selve(n) noch bij yemants anders/ in e(n)nig(er) manie(re)n Beke(n)nende en(de) verlyende openbairlic de voirs(creven) jan/ van mechlen so wae(re) hij hier tegen dade dat hij zoenbreke en(de) vredebreke/ soude sijn en(de) verboert soude hebben sijn lijf en(de) sijn goet ond(er) wat/ he(re)n of gerichte hij bevonden swordde Behoudelic etc(etera) in meliori/ for(ma) cor(am) vynkenb(osch) burgim(a)g(ist)ro abs(oloens) lynte(re) iuniore scab(inis) sabbato/ post quasi mo(do) a(n)no xl/