It(em) jan vande(n) hove sone arnts vande(n) hove van libbeke in/ jegenwordich(eit) d(er) scepen(en) va(n) loeve(n) gestaen heeft geloeft de(n) vors(creven)/ arnde sinen vad(er) en(de) sine goede also langhe als de selve arnt/ leven sal scadeloes en(de) co(m)merloes te houden en(de) tontheffe(n) van/ alsulke(n) viii peters d(er) mu(n)ten sh(er)togen va(n) bourg(oign)[en] en(de) va(n) brab(an)t [gul(den) crone(n) d(er) mu(n)ten skoninx va(n) vrancr(ijk) erliker renten]/ als meest(er) thomas van wynghe heeft en(de) houdende is op/ de goede des vors(creven) arnts inde p(ro)chie va(n) libbeke gelegen/ Bekennende de vors(creven) jan openbaerlic so waer hi de(n) vors(creven)/ arnde sine(n) vad(er) noch sine goede va(n) libbeke vors(creven) jaerlex/ niet en onthief vande(n) rente(n) vors(creven) dat hem dan de vors(creven)/ arnt met alsulke(n) beleyde d(aer) mede hi geleydt is tot den/ goede(n) des vors(creven) jans behelpen sal t(er) goed(er) meyninge(n)/ en(de) sond(er) argelist velde lynthre lynthre iunior januar(ii)/ xxix/