It(em) es vorwarde dat den voirs(creven) brief van lv pet(er)s ond(er) ons/ bliv(en) sal sond(er) den voirs(creven) ja(n)ne dien ov(er)t ov(er) te gheve(n) oft d(aer)/ mede te late(n) werke(n) voir aen d(er)re tijt toe dat de voirs(creven)/ jan henr(ic) sine(n) soen bracht sal hebben voir scepen(en) van loven(en)/ om de(n) voirs(creven) diericke(n) te goede(n) oft quijt te scelde(n) vande(n) rechte/ dat hij inde voirs(creven) goede hebbe(n) mach en(de) oec en salme(n) de voirs(creven)/ ja(n)ne mette(n) voirs(creven) brieve gheen behulp doen aen de leste paeye ten/ sij dat de jairgebode die de voirs(creven) dieric d(aer)af doet doen st bl sijn/ sond(er) cale(n)ge(re)n oft oftse gecale(n)geert worde(n) dat dat beslicht sij mette(n) rechte