Cond sij allen liede(n) dat joffr(ouw) marie weduwe jans wilen raet/ van kerkem es come(n) in jeg(en)werdich(eit) der scepen(en) va(n) loeven en(de) heeft/ gegheve(n) en(de) bekendt dat hi si gegeve(n) heeft janne cloest(er)ma(n)/ van kerkem de wynnende lande d(er) selv(er) joffr(ouwe) marien gelege(n)/ te byvoerde(n) inde p(ro)chie van(n) kerkem Te houde(n) te hebbe(n) en(de) te wynne(n)/ va(n) half merte naist comende ene(n) t(er)mijn van xii jae(re)n lanc/ deen na dand(er) d(aer) na sond(er) myddel volgende elx jaers dae(re)n bynne(n)/ om neghendalven sack corens [goede en(de)payabel] spacht en(de) van kerkem en(de) mate van/ thienen alle jae(re) de(n) vors(creven) t(er)mijn duerende tsente andr(ies)misse/ apostels te betale(n) en(de) tot kerkem te leve(re)n en(de) telken t(er)mijn alse v(er)volgh/ de schout It(em) sal de vors(creven) jan d(er) selv(er) joffr(ouwe) marien jaerlex/ hie(re)n bynne(n) sayen een halst(er) lijnsaets daer toe de vors(creven)/ joffr(ouwe) marie hem de(n) zaet leve(re)n [sal] It(em) sal de vors(creven) wyn/ d(er) vors(creven) joffr(ouwe) marien jaerlex leve(re)n also v(er)re [vele] stroes d(aer) mede/ si een coe [te wynte(re)] voeden en(de) strayen mach daer af de vors(creven) jan/ dmest hebben sal en(de) dat tot hae(re)n huys hale(n) Item sal de/ vors(creven) wyn de vors(creven) lande wel en(de) loflic wynne(n) en(de) w(er)ven/ gelijc sine(n) rengenote(n) bove(n) en(de) benede(n) en(de) die late(n) te sine(n)/ afscheyde(n) gelijc hi die vant te sine(n) aencomen It(em) mach/ de vors(creven) jan scheyden ten halve(n) tijde vande(n) vors(creven) t(er)mijn/ dwelc hi hae(r) een half jae(r) te voe(re)n segghen sal/ pynnoc rike sept(embris) xxviii