Van joesse de mulde(r)/ Tvonnisse tuschen joesse de mulde(re) als mo(m)boer lijsbetten vand(er)/ eycken sijns wijfs in deen zijde en(de) joff(rouwe) magrieten van hofstade(n)/ beghine vande(n) beghijnhove te mechelen als naeste oir ende/ erfgename joff(rouwe) katlijnen wijlen swalen weduwe jans wijlen/ coninc welc wilen joff(rouw) katline voe(r) meye(r) en(de) scepen(en) van lov(en)/ gegoedt en(de) gheeerft was en(de) es te weten inde goede h(ier)na/ bescreve(n) als goede die wae(re)n h(ere)n wout(er)s wilen vande(n) male canonicx/ van s(en)te rombouds te mechele(n) en(de) jans vande(n) boere geheten/ van campe(n)hout te weten in ond(er)halve(n) dach(mael) lants geleg(en)/ op moele(n)bond(er)velt inde p(ro)chie van assche bide(n) weghe gaende/ van ca(m)penhout ten vloege w(er)t It(em) in eene(n) halve(n) boend(er) lands/

geleg(en) op tselve velt tussche(n) de goede loenijs vand(er) eycke(n) en(de)/ dweeghsken gaende van campe(n)hout ten vloege w(er)t It(em) in een/ half boend(er) lants geleg(en) op tselve velt tusche(n) d(er) kerke(n) lant/ va(n) ca(m)penh(out) en(de) de goede des vors(creven) loenijs vand(er) eyck(en) welck/ geboerte de vors(creven) joffr(ouw) magriete inden rechte claerlic bethoende in/ dand(er) zijde alse vanden goeden vors(creven) die de vors(creven) joes int/ recht aensprac (et)c(etera) was gewijst met desen woirden Na/ aensprake na v(er)andw(er)den en(de) na thoenisse dat de vors(creven) p(ar)tijen/ in beyden zijden geleidt hebben dat de scepen(en) van lov(en)/ wijsden met hoiren vo(n)nisse de vors(creven) p(ar)tijen vande(n) vors(creven) goede(n)/ inden hoff daer de selve goede hoven aldaer malc teg(en)/ ande(re)n recht te geven en(de) te nemen Cor(am) pinnoc opp(endorp)/ rijke abs(oloens) ov(er)wynge vynkenb(osch) wynge augusti ix[a]