It(em) lijsbeth wedewe reyners wile(n) corneke(n) heeft gevo(n)nist/ voir meye(r) en(de) scepen(en) van loven(e) seker scepen(en) brieve van loven(e)/ sprekende van twelff rijnschen gulden(en) erflek(er) rente(n) die sij/ houdende es nae uutwise(n) van hoe(re)n scepen(en) brieve(n) opte goede/ van waenrode met alle(n) hoe(re)n toebehoirten die toe te behoe(re)n/ plaghen jonck(er) ja(n)ne he(re) te scoonhove(n) en(de) joffr(ouwe) joha(n)ne(n) van/ waenrode sijnre medegesellynne(n) dae(r)af tvo(n)nisse d(er) scepen(en) van/ loven(e) gewijst heeft dat de meye(r) van loven(e) trecke(n) soude/ opte pande vonde hij te panden soe soude hij pande(n) en(de) en(de)/ en(de) vonde hij niet te pande(n) soe soude hij voirtvae(re)n mette(n)/ rechte Dwelc ten versueke vand(er) voirs(creven) lijsbette(n) die des voir/ scepen(en) mechtichde ja(n)nese zuene clerc en(de) oec ten versueke/ van claese pyed(er) willems hekerlinx en(de) jans ma(n)derot die/ oec gelike zek(er) scepen(en) brieve gevo(n)nist hadde(n) van seke(re)n erfre(n)te(n)/ die sij opte voirs(creven) goede hebbe(n) vand(er) selv(er) date(n) dat d(er) voirs(creven) lijsbette(n)/ rente(n) sijn i geschiede dair de voirs(creven) meyer alrehande pande te/ pande(n) vant die hij de(n) voirs(creven) p(er)sone(n) lev(er)de en(de) oec leve(r)de hij/ / hen de voirs(creven) goede die hoir ond(er)pande sijn voir de voirs(creven) rente(n)/ en(de) voir cost en(de) co(m)mer die dair op gegaen was met rechte/ gem(er)ct dat den de selve pande voir de selve rente(n) en(de) coste(n)/ niet goet genoech en wae(re)n ov(er)wynghe vynkenb(osch) oec/ septe(m)br(is) ulti(m)a