Cond zij allen lieden want stoot en(de) geschille opv(er)staen was tusschen/ janne de clerc plattijnmake(r) als momboer lijsbetten zijns wijfs docht(er)/ jans wijlen vand(er) basdonck en(de) als de ghene die naden rechte d(er)/ stad van loeven(e) geleidt es totden goeden des vors(creven) jans vander/ basdonc in deen zijde en(de) jacoppe vanden wayenb(er)ghe als mo(m)boer/ en(de) katlijnen zijnen wive henricke vand(er) phalisen en(de) barbelen zijne(n)/ wijve beide dochte(re)n des vors(creven) jans vand(er) basdonck in dande(re) als/ van alsulken goeden als den vors(creven) drien gesuste(re)n bleven zijn na doot/ magrieten wijlen van cleve hoirer moed(er) die wijf was des vors(creven)/ jans vand(er) basdonck en(de) die hen bliven en(de) v(er)sterven zullen moghe na/ doot des selfs jans vand(er) basdonc hoirs vad(er)s Soe eest/ dat de vors(creven) p(ar)tien des comen zijn in tegeword(icheit) d(er) scepen(en) van loeven(e)/ hiernagenoemt ende hebben gekint en(de) gelijt dat zij vanden vors(creven)/ stoote bij middele van vrienden die hierom geaerbeidt hebben v(er)effent/ en(de) minlic v(er)accordeert zijn ind(er) manie(re)n h(ier)na volgende Inden yersten/ es vorwerde dat de vors(creven) jan de clerc [en(de) zijn als mo(m)boer zijns wijfs] na doot des vors(creven) jans vand(er)/ basdonc erflic hebben en(de) behouden sal de goede h(ier)na bescreven Yerst/ thuys met allen zijnre toebehoirten [geheten tscaecbert] geleg(en) inde p(ro)efstrate tusschen/ de goede symoens wijlen vrancx wissele(re) d(er) stad van loeven in/ beiden zijden Item eenen stal huys met den hove en(de) met zijnre toebehoirte(n)/ gelegen inde verduldicheit tussche(n) de goede des vors(creven) jans vand(er)/ basdonc en(de) de goede everards van wynghe op allen den last/ daer voe(r) uutgaende en(de) voirtmeer op vier guld(en) rijd(er)s d(er) mu(n)ten/ ons(es) gened(ichs) he(re)n sh(er)tog(en) van bourg(oignen) en(de) van brab(ant) goed en(de) ghene/ erflik(er) renten alle ja(r)e [d(er) vors(creven) katlinen en(de) barbelen en(de) hoiren nacomelinge(n) te weten elken van hen twee gulde(n) rijd(er)s te betalen] op den zelven dach te betalen dat de vors(creven)/ jan vand(er) basd(onc) aflivich worde(n) sal voirtaen erflic en(de) dierste/ betalinge d(aer)af by(n)nen eenen ja(r)e na zijn doot in te gaen Behoud(elic)/ dien dat de vors(creven) jan de clerc [oft zijn erfgename(n)] de vors(creven) vier rijd(er)s erflik(er) rente(n)/ losse(n) mach en(de) afquiten wa(n)neer hem dat gelieve(n) sal elken pe(n)ninc d(aer)af/ met twintighen gelik(en) pe(n)ninghe(n) en(de) met vollen chijse Item want/ de(n) vors(creven) jan de clerc te huwelike gegeven heeft waren c hond(er)t/ rijnsch(en) guld(en) met zijne(n) wive voirs(creven) dies de vors(creven) jacob en(de) henrick/ daer teghe(n) met hoire(n) vors(creven) wiven m(er) elc [elc] van hen mer vijftich/ rijnsch(en) guld(en) gehadt en hebben so es tussche(n) de vors(creven) p(ar)tien vurw(er)de
//
dat de vors(creven) katlijne en(de) barbele gesuste(re)n daer voe(r) na doot des vors(creven)/ jans hoirs vad(er)s elck van hen hebben zullen voer uut den ande(re)n/ goeden vijftich rijnsch(en) guld(en) It(em) es voert vorwerde dat de vors(creven)/ drie gesuste(re)n tegelike hebben sullen dnudscap en(de) tp(ro)fijt dat zij oft/ e(n)nich van hen gevorde(re)n oft gecrigen can het zij met coope mynlicheide(n)/ oft and(er)s vanden huyse en(de) hove n met zijnre toebeh(oirten) geleg(en) inden bruel/ tussche(n) de goede henr(rix) van hoesden en(de) heylwig(en) sgieters dwelc/ pete(re)n des vors(creven) jans clercx zoon op seke(re) vueg(en) gelaten es It(em)/ Noch es vorwerde en(de) ond(er)sproken dat de vors(creven) jan de clerc als/ jacob en(de) henr(ic) als mo(m)bo(r)en hoirer wiven vors(creven) na doot des vors(creven)/ jans vand(er) basdonck alle dande(re) goede beruerlic en(de) o(m)beruerlic die/h bleven zijn na doot d(er) vors(creven) mag(ri)eten wijlen en(de) bliven zullen na/ doot des vors(creven) jans vand(er) basdonck deylen zullen sust(er)lic in drien/ geliken deylen [na de(n) landrechte] zond(er) deen bove(n) den ande(re)n e(n)nich voerdeel daerinne te/ hebben nietwed(er)staen(de) den vors(creven) beleyde oft ande(re)n ordinancien daer/ teghe(n) zijnde Voert es vorwerde dat de vors(creven) jan de clerck/ tvors(creven) beleyt be ond(er)houde(n) sal tot hoirer dried(er) behoef en(de)/ behulpe [in dier vueghen] zonder vordeele Alle saken te goed(er) meyninghen zond(er) argelist/

welk noch es vorwerde waert also dat de vors(creven) jan vand(er)/ basd(onc) de vors(creven) goede mi(n)de(re)n oft belasten woude oft yeman(de) gave/ dat de vors(creven) jan de clerc dat metde(n) vors(creven) beleyde gewe(re)n sal/ tot hoirer alic behoef alle sak(en) te goed(er) meyningen en(de) zond(er)/ argelist Welcke vorwerde(n) en(de) (con)dicien vors(creven) de vors(creven) p(ar)tien/ gelooft hebben malcande(re)n vast en(de) gestentich te houden en(de) deen den/ ande(re)n na doot des vors(creven) jans vand(er) basd(onc) d(aer)af behoirlicke vestich(eit) te/ doen also datt elken van hen teeuwelike(n) dagen sal moge(n) vast/ en(de) genoech [sijn] vynckenb(osch) wynghe dec(embris) ulti(m)a