Vande(n) beleide/ jans buelens/ Alse vanden scoutbrieve et beleitbrieve d(aer)mede willem buelens beleit es tot allen/ den goeden have ende erve jans buelens sijns brueders es overdrage(n)/ inde rade vander stat met vollen gevolghe dat de voirs(creven) brieve blive(n) selen/ ond(er) de stat tot d(er)re tijt toe dat willem vander voert die den voirs(creven) willem(me)/ daer om bij d(er) stat hadde doen [be]scrive(n) te come(n) ende die te wive gehadt/ heeft wilen katline(n) weduwe des voirs(creven) wilen jans buelens den voirs(creven)/ willem(me) buelens betaelt sal hebben iii(½) mudde ende een halst(er) coe(re)ns/ d(er) mate(n) van thiene(n) [en(de) xxi stuvers] daer voe(r) hij de voirs(creven) katline vereyct hadde inde/ banck voir meye(r) en(de) ma(n)ne(n) van comptich ende den cost die daer op ghinc/ metten rechte ende den cost dat tvoirs(creven) beleydt den voirs(creven) willem(me)/ buelens coste te doen en(de) desgelijx tot d(er)re tijt toe dat de voirs(creven) willem/ vander voert den voirs(creven) willem buelens gelost sal hebben van/ dat de voirs(creven) willem buelens voir den voirs(creven) sine(n) brude brued(er) steet/ oft borghe bleve(n) es Dwelc geschien sal tusschen dit en(de) sinte/ andries misse naestcomen(de) ende als dat geschiet sal sijn soe sal/ de voirs(creven) willem buelens alsoe vele doen eer hem de brieve sele(n)/ moege(n) werden dat de voirs(creven) willem vand(er) voert daer af gheen hijnd(er)/ en hebbe aen de have die bleve(n) es nae doet des voirs(creven) wilen jans/ en(de) katline(n) uutgenome(n) tvliegende erve dat de voirs(creven) wilen jan/ buelens bracht aen den voirs(creven) katline oft van sine(n) weghe(n) come(n)/ es dat sal volgen de(n) voirs(creven) willem buelens ende dand(er) vliegende/ erve dat de voirs(creven) wilen jan en(de) katline sijn wijf sij tsamen ver/ cregen hebben dat sal half volgen den voirs(creven) willem buelens en(de)/ dand(er) gelicht willem vand(er) voert nae uutwisen vande(n) lantrecht/ ende desgelijx es oec ov(er)drage(n) vanden ande(re)n erfleken goeden/ gelijc als vanden vliegende(n) erve cor(am) judoco absoloens loco burgim(a)g(ist)ri(s)/ et prykere bur(gi)m(a)g(ist)r(is) et q(uam)plu(r)ib(us) aliis in pleno consilio sept(embris) xxviii