It(em) want stoot en(de) tebat opv(er)staen sijn tusscen diericke(n) reynkens/ van molle in deen zijde ende lubrecht box van gheele die nae den/ rechte der stat van loven(e) beleit is tot den goeden davijts van/ haerbosch van molle in dande(r) zijde alse van seke(re)n erfleke(n) goede(n)/ die bleve(n) en(de) verstorve(n) sijn nae en(de) vander doot jans en(de) willems/will wilen boydens gebruede(re)n te molle en(de) ald(aer) omtrent gelege(n)/ en(de) desgelijx van ene(n) stuxkens lands gehete(n) tpijlstucsken gelege(n)/ te molle opt rot tusschen de goede des voirs(creven) davijts en(de) jans bellens/ ende de voirs(creven) p(ar)tien hen des voirs(creven) stoots gekeert en(de) gesubmiteert/ hebbe(n) in segge(re)n en(de) vrientlic yffene(re)n Te wete(n) in godev(ar)t heyme/ en(de) lodewijc van olmen en(de) gelooft vast en(de) gesteedich te houden/ soe wes de voirs(creven) segge(re)n vande(n) voirs(creven) stoote segge(n) en(de) uutspreke(n) soude(n)/ Soe eest dat de voirs(creven) gord heyme en(de) lodewijc van olmen come(n) sijn/ in jeg(enwoirdicheit) d(er) scepen(en) van loven(e) ende hebben hoir seggen vande(n) voirscr(even)/ stoote eendrechtichlic uutgesproke(n) en(de) geseeght in(der) manie(re)n h(ier) nae/ volgende Te wete(n) dat de Inde(n) yersten es hoir segge(n) dat de voirs(creven)/ dierick reynkens de gheen recht hebben en sal noch behoude(n) in ne/ gheen vande(n) voirs(creven) goeden mer dat die geheelic en(de) al den voirs(creven) lubrecht/ davijt van haerbosch tot eeuwege(n) daghen volge(n) sele(n) oft den voirscr(even)/ lubrecht mids macht vande(n) voirs(creven) beleide en(de) dat de voirs(creven) dieric/dair inde voirs(creven) goede gheen recht meer [der en(de) sijn erfgenaeme der voirs(creven) goede] tot eeuwege(n) dage(n) quit/ sijn selen Voirt es hoir segge(n) wairt also dat de voirs(creven) davijt meer/ vesticheide(n) behoefde [of begheerde] vande(n) voirs(creven) stucken stuxke(n) lands gehete(n) tpijl/ stuxken oft dats de voirs(creven) dat hem dan de voirs(creven) dierick dair in/ goede en(de) vestige(n) sal voir hof en(de) hee(r) dairme(n) dat af houden(de) es
//
welke(n) [Welc] seggen aldus voir scepen(en) van loven(e) uutgesproken sijnde soe/

sijn come(n) v hebben de voirs(creven) p(ar)tien belyeft en(de) aengenome(n) hen houden(de)/ d(aer) mede content en(de) wel gepaeyt Gelove(n)de oec dat vast gesteedich/ en(de) onv(er)brekelic te houden tot eeuwegen tijden in welk(er) H(ier) wae(re)n/ ov(er) et(c)etera ab(soloens) als vyncken(bosch) oct(obris) viii