Cond zij alle(n) liede(n) dat willem de fuyck en(de) goert vand(er) st(ra)ten/ molders hebbe(n) geloeft ongesundert en(de) ongescheiden henricke de grove/ oec molde(r) vijfdalf mudde weyssincs goet en(de) payabel der maten/ van loeven te weten drie molevate weyssincs d(aer) af op en sat(er)daghe/ naist comende en(de) drie molevate d(aer) af des sat(er)daeghs daer naest/ volgende en(de) so voertaen van weken te weken d(aer) na sond(er) myddel/ volgende des saterdaeghs drie molevate rogs [weyssincs] daer af te betale(n)/ en(de) in daamolen te leve(re)n en(de) die te malen sond(er) molster of loen/ vande(r) vors(creven) henricken te nemen tot aen dier tijt toe dat de voirs(creven)/ schout geheellic en(de) al betaelt sal zijn en(de) telke(n) t(er)mijn als v(er)volghde schout/ opp(endorp) ov(er)wynghe aug(usti) ix