Van ja(n)ne van breetzijp/ Van den gedinge dat geweest es tussch inde banc voir meye(r) en scepen(en)/ van loven(en) tusscen vranken pynnoc natuerlic die beleit was tot/ den goede(n) have en(de) erve jans vande(n) male in deen zijde en(de) ja(n)ne/ van breetzijp die nae den rechte d(er) stad van loven(en) beleit was/ tott(er) have(n) des selfs jans vande(n) male welc beleit oud(er) was van/ date(n) dan des voirs(creven) vranx beleit in dander zijde alse van seke(r)/ vruchte(n) opte goede des voirs(creven) jans vande(n) male gewassen d(aer) af/ de voirs(creven) vranc boet te thoene(n) dat die opte voirs(creven) goede des voirs(creven)/ jans vande(n) male gewassen wae(re)n (et)c(etera) ende voirt van ii koeyen/ en(de) eene(n)e veerse kalve dat de voirs(creven) vranck mids macht van/ sijne(n) voirs(creven) beleide vercocht hebbe(n) hadde eer de voirs(creven) jan van/ breetzijp dat met sine(n) oude(re)n beleide verantwert soude hebben/(et)c(etera) Hevet tvo(n)nisse d(er) scepen(en) van loven(en) gewijst want he(m)/ de voirs(creven) vranck vand(er) vrucht thoenis v(er)mete(n) heeft dat sij dat/ beg(er)de(n) aen te hoe(re)n en(de) dae(re)n teynde(n) recht en(de) als vanden/ voirs(creven) beesten dat die den voirs(creven) ja(n)ne van breetzijp en(de) sinen/ beleide volge(n) souden oppend(orp) rike abs(oloens) ov(er)wynge aug(usti) xviii