Ende is vorwerde tussche henrick vand(er) ryvie(re)n in deen side en(de) merten/ van sceyvoerde sinen zwag(er) en(de) joffr(ouwe) johanne(n) sine(n) wive zust(er) des vors(creven) henr(ix)/ in dande(r) waert also datmen namaels in tide(n) toecome(n)de bevonde dat/ haweel vand(er) ryvie(re)n vader des vors(creven) henrics en(de) joffr(ouwe) johanne(n) de voirs(creven) goede de welke sij gedeylt hebbe [met e(n)nige(n) rente(n)] beco(m)mert en(de) belast hadde/ dat sij dien last en(de) co(m)mer te gelijc half en(de) half drage(n) en(de) betale(n)/ sele(n) t(er) goed(er) meyni(n)ghe en(de) sond(er) argelist cor(am) eisde(m)