Van h(er)ma(n)ne vand(er) borgh en(de) magriete(n) / van erboudeghem / It(em) magriete vand(er) erboudeghem docht(er) henrix wijlen va(n) erboudeghe(m) / geheten lambrechts ind(er) teg(enwoirdicheit) d(er) scepen(en) va(n) lov(en) gestaen heeft ope(n)baerl(ic) / gekint en(de) gelijt dat zij omtrint groot vastelavo(n)t lestleden hoirs / goeds moeds dancx en(de) wille(n) ewegh getoghen es met de(n) vors(creven) h(er)ma(n)ne / in wille en(de) meyni(n)ghe(n) met hem te bliven als een goet wijf met hoire(n) get(r)uwede(n) / ma(n)ne sculdich es te blive(n) Segghende en(de) bekinnende voert de vors(creven) / magriete op dat zijt noch te doen hadde dat zij willichlic met he(m) noch / ewech trecken en(de) gaen soude gelijc dat zij dat oic voertijts onlanx hier te voe(re)n [also sij seide] voe tselve voe(r) scepen(en) van bout(er)shem en(de) van buetsele / verkint en(de) verleden hadde Bege(re)nde en(de) bidden(de) den scepen(en) van lov(en) / dat zij dese vors(creven) ky(n)nisse op hoire tuyghe(n) en(de) draghe(n) woude(n) op dats behoefde / Act(um) cor(am) roelants wijtvliet martii xxix vide(licet) ip(s)a die abl albi / iovis sc(ilicet) in cena d(omi)ni a(nn)[o] m[o] iiii[c] xli[o] /