Gheert de ke(m)mere/ It(em) uut dien dat gheert de ke(m)me(re) die nae den rechte der stad van loeven(en) beleidt/ es tot den goeden jans wilen van colene en(de) joffr(ouwe) margrieten wilen uuten/ lyemingen sijns wijfs metten rechte hadde doen dach doen gelijc de selve/ gheert met ene(n) vorste(r) van loeven(en) int recht thoende janne(n) den droeghen/ aerden vyncken henricken bernart h(ere)n mathijse moens prieste(r) janne van schoe/ nenb(er)ghe galaesmake(r) janne(n) de walssche becke(r) andriese moens janne(n) van/ lynthe(r) en(de) diericken van erpe custe(r) int cloest(er) van sente g(er)truden te loeven(en) om/ des wille dat de selve p(er)sone(n) hem weygerden te betalen dertich oude groten/ ene(n) capuyn en(de) ene(n) hoydach out tsijs die de voirs(creven) gheert mids macht van/ sijnen voirs(creven) beleide yesch te hebben alle jae(re) te kersmisse aen de goede hier nae/ bescreven en(de) die so(m)mege van hen ond(er) scepen(en) gesett hadden Te weten inden/ yersten op huys en(de) hof met sijnre toebehoirten gelegen opten borchberch tusschen/ de goede henrix wilen bolck en(de) de goede gheerts wilen van he(re)nthals der stad/ clerc van loeven(en) It(em) aen en(de) op een block soe lant soe wijngart houden(de) derthien/ vierdel gelegen buyten de nuwe vesten van loeven(en) tusschen de goede d(er) kijnde(re)n/ geheten vand(er) mee(re)n en(de) de goede henrix van mulke Te welken dage so(m)mege/ vanden voirs(creven) p(er)sonen te weten de voirs(creven) h(er) mathijs moens jan van scoenenb(er)ghe/ aert vynck en(de) dierick van erpe voer oegen quame(n) daer de voirs(creven) gheert/ de ke(m)me(re) een aensprake dede tot den voirs(creven) p(er)sone(n) en(de) goeden waert Seggen(de)/ dat de voirs(creven) wilen jan van colene en(de) sijn voerseten den voirs(creven) tsijs op de voirs(creven)/ goede gehadt en(de) gehaven hadden over dertich jaer en(de) dagen als hoe(re)n/ p(ro)pe(re)n erftsijs en(de) dat hij mids macht van sijnen beleyde dien noch d(aer)/ aen hadde dwelc hij boet te thoenen en(de) oft hem dese punten yet te cleyne/ wae(re)n dies hij hoepte dat niet sijn en soude Soe boet hij mids macht/ van sijnen beleyde daer toe te doen sijn behout also nae den rechte dat/ behoe(re)n soude (et)c(etera) Daer op de voirs(creven) p(er)sonen alle alrehande saken alligeerden/ Also dat de scepen(en) van loeven(en) den voirs(creven) gheerde wijsden tot sijne(n) thoenisse/ en(de) dbehout dat hij geboden hadde behielden sij te henwaert ten dage van/ thoenisse begonste de voirs(creven) gheert sijn thoenisse te leyden Also dat te dien/ dage van thoenisse ene(n) inval geviel mids den welken hij ten uut(er)sten/ qua(m) opten dach van heden ald(aer) de voirs(creven) gheert sijn thoenisse leydde mer sijn/ wed(er)p(ar)tie en qua(m) niet voe(r) oegen Ende also hebben de scepen(en) van loeven(en)/ ter manissen smeyers van loeven(en) gewijst voe(r) een vo(n)nisse nae thoenisse dat/ hij geleydt hadde dat den voirs(creven) gheerde en(de) sijnen beleide aen de voirs(creven)/ goede sijnen voirs(creven) tsijs volgen soude cor(am) om(n)ib(us) scab(inis) existen(tibus) in scampno/ ex(cep)[to] joh(ann)e de oppend(orp) novembr(is) viii
//