It(em) es gevorwert dat den voirs(creven) brief van vi mudden rox en(de) x rijders ond(er) ons/ blive(n) sal sond(er) dair mede yet gewracht te werden voe(r) d(er)re tijd dat de voirs(creven) ja(n)nes/ vliege ov(er)gegeve(n) sal hebben wille(m)me vanden poele ii scepen(en) brieve van loeven(e)/ spreken(de) elc van iii mudden corens lijfpensien d(aer) de voirs(creven) jan van pulle pri(n)cipael/ af es en(de) ja(n)nes vlieghe sijn borghe of tot dat de voirs(creven) jan van pulle vanden selve(n)/ brieve(n) also verre hij die niet ov(er) en gheeft quita(n)cie hebben sal voe(r) scepen(en) van/ loeven(e) vanden ghene(n) die der voirs(creven) brieve mechtich sijn Van welken quita(n)cien/ de voirs(creven) ja(n)ne vlieghe en(de) amelrijck de zwerte(re) gelove(n) selen den selven ja(n)ne/ warant te zijn en(de) hem op te richten of den voirs(creven) ja(n)ne van pulle bove(n) der/ voirs(creven) quitancie(n) e(n)nigen hynd(er) gedaen worde van e(n)nigen vanden voirs(creven) brieve(n)/ sonder argelist coram voshem dormale februarii xiiii