Henrick zegers/ It(em) tvo(n)nisse tusschen henricke zeg(er)s van berlaer in deen zijde en(de) laureyse van wynghe die/ nae den rechte der stad van loeven(e) beleydt es totten goeden gheerts zeg(er)s in dande(re) alse/ vandien dat de voirs(creven) laureys beg(er)de de betalinge te hebben van xx gulden peters oft bewij/ senisse en(de) voldaen te hebben nae begrjip van ene(n) vo(n)nisse dat tusschen de voirs(creven) p(ar)tien tande(re)n/ tijden gewijst es staende in dit boec xxii dage in augusto welc xx peters wae(re)n de/ derde paeye en(de) vielen te kersmisse lestleden kennende dand(er) twee yerster paeyen betaelt/ wesende oft dat hij bewijsen soude dat hij die den voirs(creven) laureyse betaelt hadde sijdert den/ voirs(creven) vo(n)nisse Daer op de voirs(creven) henric dede seggen dat hij den voirs(creven) gheerde vand(er) voirs(creven)/ lester paeyen betalinge gedaen hadde aen ene(n) goeden man dien hijt beval te gheven/ xiiii peters ende gelijc de voirs(creven) henrck cleerlijc bethoende en(de) op dand(er) sess peters/ hadde de voirs(creven) laureys selve gehaven drie peters en(de) dand(er) drie peters waer(re) hij/ noch sculdich en(de) die wae(re)n vand(er) stad weghen beslagen voe(r) des voirs(creven) gheerts/ poirt(er)gelt pr(ese)nterende ten uutersten die den voirs(creven) laureyse te betalen (et)c(etera) Was/ gewijst met desen woirden nae aensprake nae verantwerden en(de) nae thoenisse van/ beyde den p(ar)tien dat de voirs(creven) henric zeg(er)s gestaen soude mett(er) p(rese)ntacien die hij gep(rese)nteert/ hadde cor(am) lomb(ar)t pynnoc vynck voshem dor(ma)le febr(uarii) xx des vetten dond(er)sdaighs