It(em) om deswille dat willem de custe(re) dieme(n) heet van haren gevo(n)nist heeft voe(r) meye(r)/ en(de) scepen(en) van loeven(e) zeke(r) scepen(en) brieve van loeven op philipsen py(n)nock henrix soen/ was van sekerder waerscapen die de voirs(creven) philips den voirs(creven) wille(m)me gedaen heeft/ van ene(n) huyse en(de) hove met sijnd(er) toebehoirte(n) gelegen inde nuwestrate tusschen/ de goede jans vand(er) borch en(de) den kerchof van sente mychiels vanden welke(n) tvo(n)nisse/ d(er) scepen(en) van loeven(e) wijsde datmen den voirs(creven) philipse dach doen soude Gemerct/ dat de voirs(creven) willem uut den voirs(creven) goeden meer vant gaende dan hem gewa/ randeert was drie capuynen drie oude groten en(de) een halster rogs erflic ende de/ voirs(creven) philips tsijne(n) daghen van rechte niet een qua(m) soe hevet tvo(n)nisse der scepen(en)/ van loeven(e) gewijst dat de voirs(creven) willem den voirs(creven) philipse vand(er) voirs(creven) waerscanp/ verreyct heeft coram o(m)nib[(us)] scab(in)is in scampno augusti xvii