It(em) hoewael de voirs(creven) joncker henrick inde voirs(creven) goede simpelic gegoedt/ es so es nochtans vorwerde dat de vo joffr(ouwe) joha(n)ne van waenrode/ de selve goede sal moeghen lossen en(de) quiten bynnen iiii jae(re)n naest/ comen(de) met vijftich gulden rijnssche goet en(de) gheve op also dat jonck(er)/ henricken voirs(creven) volgen sal den pacht vanden voirs(creven) goeden daer/ hij inne gegoedt es van dien jae(r) daer de quitinge in gesciet/ en(de) of hij daer aen yet geleeght hadde dat mijn joffr(ouwe) joha(n)ne hem dat/ oic opleggen en(de) wed(er)ke(re)n sal en(de) of de voirs(creven) joffr(ouwe) joha(n)ne/ de voirs(creven) goede quijt bynnen den voirs(creven) tijde zo salmen de brieve/ vand(er) voirs(creven) guedinge hoe(r) ov(er)geven en(de) tot dier meyni(n)gen selen/ sij ond(er) ons bliven en(de) of de voirs(creven) iii jair lant of tot dat de quiti(n)ge/ gesciet en(de) of zij niet en gesciet binnen dien iii jae(re)n so salmen/ de voirs(creven) brieve den voirs(creven) jonck(er) henricken gheven om de voirs(creven)/ goede erflic d(aer) mede te behouden eisd(em)