Van henricke zeghers It(em) tvo(n)nisse tusschen henricke(n) zeghers van berlaer in deen zijde ende/ lauwereyse van winghe die nae den rechte der stad van loeven beleit is/ tot den goeden gheerts zeghers neve des voirs(creven) he(n)rix in dande(r) alse van/ seke(re)n erfeleken goeden des voirs(creven) henrix zeghers gelege(n) te berlaer die/ de voirs(creven) lauwereys meynde dat hem en(de) zijne(n) beleyde volgen souden/ om dat hij die mett(er) bancke(n) rechte van berlaer uutgewonne(n) soude/ hebben voir seke(re)n tsijs die de selve gheert hadde moete(n) betalen van/ zijne(n) goeden ende die dair voer bescudden of zij soude(n) met rechte uut/ gewonne(n) hebben geworde(n) die also wel op des voirs(creven) henrix goede stonde(n)/ als op de sijne Vande(n) welken aensprake ende verantwerde(n) geschieden en(de)/ de p(ar)tien hen alrehande thoenisse vermate(n) dair af de voirs(creven) he(n)r(icke) zeghers/ onder den ande(re)n thoende met scepen(en) van berlaer dat de voirs(creven) p(ar)tien/ hen vande(n) stoote die was vande(n) voirs(creven) goede(n) omtrent kersmisse lestlede(n)/ also wale van have(n) en(de) erve en(de) alles gheens dies sij tot malc ande(re)n/ tsegge(n) hadden tot den dage toe van doen keerde(n) inde(n) scepen van b(er)laer/ ten heylige(n) zwe(re)nde te houden des de scepen(en) d(aer) af seggen souden en(de)/ dat zij doen zeide(n) voir een segge(n) dat de voirs(creven) henrick zeghers teeu/ wegen dage(n) blive(n) soude in sijn goede en(de) dat de voirs(creven) he(n)rick dies den/ voirs(creven) gheerde betalen soude tot iii payme(n)ten xlix guld(en) peters te wete(n)/ x d(aer) af te vastenavonde doen naescomen(de) xix te sentjans misse d(aer) naest/ wolgend(de) en(de) dand(er) xx peters te kersmisse d(aer) naest vervolgen(de) en(de) nu/ naescomen(de) en(de) dat de voirs(creven) p(ar)tien malcande(re)n geloefde(n) dair af vesticheit/ te doen het wae(re) van goedingen of and(er)s soe dair toe behoe(re)n souden Was/ gewijst met desen woirden nae aensprake nae verantw(er)den en(de) nae/ toenisse van beyde den p(ar)tien dat de voirs(creven) p(ar)tien malcande(re)n voldoen/ selen nae uutwisen van seggen dat de scepen(en) van berlaer dair af/ uutgesproken hebben cor(am) o(mn)ibus sca(bin)[is] excepto vynck aug(usti) xxii