It(em) uut dien dat jan de cupe(re) die na den rechte der stad van loeven beleidt es tot/ den goeden have ende erve arnts van ghiessen van waelhem met der stad brieve(n)/ van loeven hadde doen dach betekenen op heden voe(r) meye(r) en(de) scepen(en) van/ loeven janne en(de) gielise van berkelaer gebruede(re)n om seke(re) goede wille [beruerlike en(de) o(n)beruerl(ike)] die/ zij den voirs(creven) ja(n)ne de cupe(re) ongebruyck maicten gelijc hij die inden rechte/ dede lesen en(de) hier na volgen Te weten yerst een stuck bosch gehete(n)/ gherst lant en(de) een vorle daer neven gelegen geheten den inslach/ houden(de) te samen ii boende(r) gelegen inde p(ro)chie van reet tuschen de/ goede der jouffr(ouwe) mijs en(de) jans van berkelaer en(de) neven dbosch van/ berchem It(em) iiii boend(er) lants geheten de hoghe heye gelegen neven de/ vorst aen deen zijde en(de) nuwenhove bosch aen dand(er) zijde It(em) tgoet te/ winkele met sijnre toebehoerten houden(de) iii boend(er) luttel min of meer/ gelegen tuschen she(re)n strate aen deen zijde en(de) de beerc? aen dande(re) zijde/ It(em) een boend(er) lands geheten trodeken geheten i gelegen int keelbosch neven/ she(re)nstrate It(em) een stuck bosch geheten den hert houden(de) iii vie(re)ndeel gelege(n)/ tusschen de goede thijs de blawend en(de) jans chomart aen deen zijde en(de)/ steven de vos aen dande(re) zijde It(em) een stuck lands geheten smeerken houden(de)/ ii boend(er) of daer omtrent gelegen te reet voirs(creven) It(em) een stuck lants/ geheten de berct houden(de) een boend(er) gelegen tuschen de goede d(er) jouffr(ouwe)/ mijs en(de) de winkel It(em) ii boend(er) lants of daer omtrent geheten de/ puttekene Hier na volght de have die acht bedden treckende/ p(er)de x coeye xii stucken ledichs vees xx verkene c scape xii bedden/ metter toebehoerten iii dosinen sitte cussen(en) xx metalen potte vi pa(n)ne(n)/ iiii dossijne(n) tynnen scotelen vi tynnen potte iii screynen en(de) alrehande/ ande(re)n cleynen huysraet gelijc dien bleef na de doot jans wilen/ van berkelaer des ouden It(em) vijftich gulden cronen in gelde It(em)/ xl seste(re)n rogs mechelscher maten die de v gielijs van berkelaer/ sculdich es van lande dat hij te in jaerscharen gehouden heeft van/ welken goeden voirscr(even) de voirs(creven) jan beg(er)de datmen hem hielde in/ sijnen beleide hem tegen de voirs(creven) gebruede(re)n te recht p(rese)nte(re)nde/ ende want de selve gebruede(re) hoe(re)r dach van rechte niet gehoude(n)/ noch verwaert en hebben so hevet tvo(n)nisse der scepen(en) van loeve(n)/ gewijst t(er) manissen smeyers datmen den voirs(creven) ja(n)ne de cupe(re) vande(n)/ voirs(creven) goeden houden sal in sijnen beleide also verre alst noch/ voe(r) scepen(en) comen es cor(am) pynnoc rijke abs(oloens) witte julii vii/