It(em) tvo(n)nisse tusschen pete(re)n jacobs sente peters man van loeven(e) in deen zijde/ en(de) he(n)ricken van hoe(re)nbeke als mo(m)boir mette(n) rechte geset der kijnde(re)n daneels/ wilen van hoe(re)nbeke sijns brueders in dande(re) alse vanden vruchten die gewasse(n)/ sijn op zeke(re) lande toebehoirende den he(re)n van pitsenborch tot mechlen te steen/ huffle gelegen die de voirs(creven) sente pet(er)s man eenen t(er)mijn van twelf jae(re)n/ langc genomen hadde tegen de he(re)n voirs(creven) welke vruchten de voirs(creven) henrick/ inden name vanden voirs(creven) kijnde(re)n meynde dat hem volgen souden of ten/ mynsten tploegh recht nae taxacien van landtwynne(n) mids dat sijn brued(er)/ die gewonne(n) en(de) besaeyet hadde biedende te thoenen dat sijnen t(er)mijn/ noch duerde dies hij niet en volqua(m) etc(etera) Was gewijst met desen woerden/ nae aensprake nae verantwerden van beiden p(ar)tien en(de) oec thoenisse dat/ den voirs(creven) sente peters ma(n)ne sijn pechtinge volgen sal ende heeft de voirs(creven)/ henrick yet te volgen aen de vo he(re)n van pitsenborch voe(r) tploechrecht oft/ anders dat hij dat doen mach mette(n) rechte d(omi)n(u)s ludovic(us) pynnock miles/ wil(he)lm(u)s lombart lud(ovico) rike et lud(ovico) de oppendorp ho(m)i(n)es s(an)c(t)i pet(ri) lov(aniensis) julii penulti(m)a