It(em) tvo(n)nisse vanden gedinge dat gehanghen heeft inde banck voe(r) meye(r) en(de) scepen(en)/ van loeven(en) tusschen ja(n)nese vanden hove soen boudens wile(n) vande(n) hove die/ voe(r) meye(r) en(de) scepen(en) van loeven gegoedt en(de) gheerft es [uut enen beleide daer mede loenijs vande(n) moere na den rechte der stad van loeven beleidt was tot den goeden jans vander lare geheten pet(er)s] inde goede tsijse/ pacht en(de) renten h(ier) nae bescreven en(de) verclaert die wae(re)n jans vanden laer/ geheten peters van aertslaer [voirscr(even)] te weten inden yersten in een woni(n)ge etc(etera) et/

nomine(n)s bona in deen zijde geheten ter hillaer met huysen hoven daer toe behoe(re)nde/ en(de) met eene(n) stucke lants dair aen gelegen inde p(ro)chie van aertslaer ond(er) m(ijn)/ gened(ichs) he(re) den h(er)toge van brab(ant) It(em) int hoff en(de) de goede geheten smayersgoet/ metten woni(n)gen huysen wynnende lande beemden eeuselen en(de) bosschen houdende/ tsamen xxviii boender gelegen inde p(ro)chie van artslaer tusschen smayersbeken en(de)/ de verderen brugghe It(em) in xxx boend(er) of d(aer) omtrint onder beemde lande en(de)/ bossche gelegen taertslaer deen aen dander neven de goede claes sherden die/ nu behoiren en(de) geleeght sijn totten stocgoeden [svoirs(creven) wilen jans] te weten tot de(n) hove en(de) woni(n)gen/ te hillaer It(em) in twee boender lants gelegen [in] drie stucken inde p(ro)chie van/ reet alder naest den bossche claes sh(er)den It(em) twee boend(er) lants geheten/ hillensvelde gelegen taertslair in twee stucken achter de kerke aldair It(em)/ in een halster rox der maten van andwerpen erflic aen en(de) op zeke(re) goede/ en(de) pande gielijs vand(er) biest jans de keyser gelegen te conticke It(em) in een/ sister rox mate en(de) pachte voirs(creven) aen en(de) op zeke(re) goede gielijs vander biest/ gelegen te berlaer ter plaetsen geheten aen deyke It(em) in een sister/ rox mate en(de) pacht voirs(creven) aen en(de) op zeke(re) goede en(de) pande jans de/ bruyne gelegen te berlaer It(em) in sess veertelen rox erfspachts aen/ en(de) op zeker goede en(de) pande claes vand(er) heyden gelegen tartslair/ It(em) in een guld(en) crone erflic aen en(de) op huys en(de) hoff met sijnre/ toebehoirten wouters wilen croloy [corloy] gelegen te reet It(em) [in] een sister/ rox mate en(de) pacht voirs(creven) aen en(de) op zeke(re) goede en(de) pande jans/ vander heyden gelegen te nyele It(em) in viii s(tuver) brab(ants) gelts erfstsijs/ aen en(de) op zeke(re) goede en(de) pande jacops van maloys gelegen te/ wilrick It(em) in vii vie(re)ndeel bosch geheten langenbosch gelegen/ tartselaer neven de halfstrate ald(aer) It(em) in een stede metten huysen/ d(aer)toe behoirende en(de) met iiii boende(re)n lants daer aen gelegen/ geheten wijchmans velde gelegen inde p(ro)chie van artslaer ter/ plaetsen geheten vaerlair It(em) in neghen viertelen rox der maten/ van antwerpen erfpachts alle jae(re) te kermisse te betalen v(er)schijne(n)de/ aen en(de) op zeker goede en(de) pande jans de coeninck gelegen te soerssel
//
It(em) in seven veertelen rox mate en(de) pacht voirs(creven) aen en(de) op zeke(re) goede en(de)/ pande toebehoiren(de) colen thijs gelegen te soerssel voirs(creven) in deen zijde en(de) pete(re)n/ vanden dale die voe(r) meye(r) en(de) scepen(en) voirs(creven) uut eenen oude(re)n beleyde gegoedt/ en(de) geerft es inde selve goede die wae(re)n des selfs jans vanden laer in da(n)de(re)/ alse vanden voirs(creven) goeden de welke [een yegelijc] van hen meynde te hebben en(de) te/ behouden bij seke(re)n reden(en) die sij daer toe inden rechte seyden en(de) boden te/ thoenen es gewijst met desen woirden na aensprake v(er)antwerden/ en(de) thoenisse van beyde(n) p(ar)tien dat den voirs(creven) pete(re)n vanden dale en(de)/ sijnen guedingen volgen sullen alle de goede daer tgedinge om es/ uutgesceyden den voirs(creven) erfpacht te zoersele gelege(n) gedragende/ xvi vierdelen rox der maten van mechelen [andwerpen] des [welke xvi veertelen rox] den voirs(creven) ja(n)nese/ vanden hove en(de) sijnd(er) guedingen voirs(creven) volgen selen also verre alst/ noch voe(r) hen comen es p(rese)nt(ibus) o(mn)ib(us) scab(inis) aug(usti) xxv[ta]/