It(em) jacob bet(er)man en(de) lucie sijn wijf weduwe jans wilen vand(er) lynden scoe(n)/ makers in p(rese)ncia hebben gekent en(de) gelijt ope(n)bairlic dat jan spy(n)noer/ metse(re) hen volcomelic vernueght en(de) gecontenteert heeft van alsulken/ gebreke als mathijs wile(n) lap vad(er) der voirs(creven) lucie(n) hebbe(n) mochte in e(n)niger manie(re)n aen/ claese spy(n)noer becke(re) neve des voirs(creven) jans spy(n)noer vand(er) pontassise(n) der stad van loeven(en) d(aer)/ voe(r) de selve mathijs mette(n) voirs(creven) ja(n)ne spy(n)noer metse(re) ter stad wert borge bleven wae(re)/ scelden(de) d(aer)om de voirs(creven) gehuyssche(n) den voirs(creven) ja(n)ne spy(n)noer metse(re) janne [claese]/ sijnen neve en(de) huer goede volcomelic quijte geloven(de) den selven noch/ hue(re)n goeden uut ocsuyn des voirs(creven) es nu(m)mermeer aentespreken etc(etera)/ cor(am) ov(er)wynge vynk(enbosch) febr(uarii) t(ert)[ia]/