It(em) also als stoet en(de) gescille opv(er)staen en(de) geresen wae(re)n tuschen/ gielise van bierbeke inden name der kijnde(re)n jans wilen van bierbeke/ sijns soens in deen zijde ja(n)ne van udekem sweer des voirs(creven) wilen/ jans die na den rechte der stad van loeve(n) beleidt es tot den/ goeden des voirs(creven) wilen jans in de der(re)der zijde en(de) gelden(en) hey/ berchs en(de) joffr(ouwe) katline(n) sijne(n) wive docht(er) des voirs(creven) jans/ van udekem en(de) weduwe des voirs(creven) wilen jans van bierbeke/ in de derdde zijde alse van seke(re)n gelde te weten lxxxiiii/ rijd(er)s of daer omtrent dwelc steet ond(er) scepen(en) van bierbeke/ en(de) de goede liede van bierbeke gemeynlic sculdich wae(re)n den/ voirs(creven) wilen ja(n)ne van bierbeke en(de) van sesse mudde corens/ lijfpensien die de voirs(creven) wilen jan van bierbeke den voirs(creven)
//
ja(n)ne van udekem sijnen sweer bekent hadde voe(r) scepen(en) van/ loeven tsijnen live voe(r) sijn tocht dier hij afquit van seke(re)n/ goeden die zij tsamen vercochten en(de) oic van vi mudden/ rogs der maten van loeven die de voirs(creven) gielijs vander/ voirs(creven) kijnde(re)n wegen jairlix sculdich was der voirs(creven) joffr(ouwe)/ katlinen tot hoe(re)n live alse vanden xii mudden rogs die/

hoe(re) voe(r) hoe(re) tocht vanden goeden die bleve(n) na den/ voirs(creven) wilen ja(n)ne toegeseeght wae(re)n so sijn de voirs(creven)/ p(ar)tien comen voe(r) scepen(en) van loeven en(de) hebben gekent/ en(de) gelijdt dat zij bij middele van vrienden vanden/ voirs(creven) gescillen vereenicht sijn en(de) veraccordeert ind(er) manie(re)n/ hier na volgen(de) te weten dat de voirs(creven) gielijs van/ bierbeke sal trecken vanden voirs(creven) gelde dat ond(er) scepen(en) van/ bierbeke steet deen helicht en(de) de voirs(creven) geldolf en(de) jouffr(ouwe)/ katline sijn wijf dander helicht en(de) des sal de voirs(creven) giel(ijs)/ van bierbeke quijt en(de) ongehouden zijn van iii mudden rogs/ lijfpensien die hij geldove geloeft hadde af te doen aen/ den voirs(creven) ja(n)ne van udeke(m) van sijne(n) vi mudde(n) en(de) des sal/ de voirs(creven) geldolfs wed(er)om ongehoude(n) sijn vanden xxx rijd(er)s/ die hij van gielise voe(r) die gelufte wed(er) gehaven hadde/ It(em) sal de voirs(creven) gielijs den voirs(creven) ja(n)ne van udekem/ gheven tsestich gulden rijders in gereden pe(n)ningen voer de/ selve sijn [vi] mudden rogs lijfpensien [oft hem die laten nemen vanden voirs(creven)] also dat de voirs(creven) geldolf/ en(de) sijn wijf daer af ongehouden selen sijn en(de) als hem de/ voirs(creven) lx rijd(er)s betaelt sijn so sal hij den scepen(en) brief die jan/ wilen van bierbeke hem bekent hadde vande(n) voirs(creven) vi mudde(n)/ lijfpensien ov(er)geve(n) den voirs(creven) gielise ende mids den selve(n)/ lx rijd(er)s so sal de voirs(creven) gielijs en(de) sijns soens kijnde(re) en(de) hoe(re)/ goede quijt vry en(de) los sijn vanden voirs(creven) vi mudde(n) rogs/ diemen der voirs(creven) jouffr(ouwe) katline(n) noch sculdich [was] van hae(re) tocht/ en(de) sal de voirs(creven) geldolf en(de) sijn wijf wed(er) ov(er)geve(n) en(de) laten/ volgen den voirs(creven) gielise inde(n) name vande(n) voirs(creven) kijnde(re)n enen/ wijng(ar)t en(de) een stuck beemts die zij behoude(n) hadde(n) voe(r) een/ mudde [rogs] in afslage vande(n) selve(n) vi mudde(n) It(em) es noch vorw(er)de/ dat de voirs(creven) geldolf en(de) sijn wijf den voirs(creven) giel(ijs) en(de) den kijnde(re)n/ behoerlike quitancie doen selen voe(r) scepen(en) van loeven(en) en(de) voe(r)/ notarijs en(de) getuyghen vand(er) voirs(creven) jouffr(ouwe) katline(n) tocht en(de)/ vand(er) coerne(n) xii mudde(n) rogs [lijftochten] die hoe(re) tot hoe(re)n live daer/ voe(r) toegeseeght wae(re)n welke vorw(er)den en(de) condicien bove(n)/ bescreve(n) de voirs(creven) p(ar)tien malcande(re)n en(de) ene(n) elic elc van hem/ also v(er)re alst hem aenruert geloeft hebben vast en(de) gestentich/ te houde(n) en(de) volcomelic te voldoen tal alse v(er)volghde schout/ witte ov(er)wynghe oct(obris) xxiii/