Het zijn comen in rechte voe(r) meye(r) en(de) scepen(en) van loeven(en) inde banck ald(aer) jan hubrechts/ van binckem in deen zijde en(de) gielijs hanckart cled(er)make(r) die na den rechte der stad/ van loeven(en) beleidt is totten goeden beide have en(de) erve goert arnts als man/ en(de) mo(m)boir m(ar)grieten scheys [sijns wijfs] gielijs scoerwegge als man en(de) mo(m)boir katlijnen/ scheys zijns wijfs henrix scossters geheten scheye [voe(r) hem selve(n)] jans loene(re) als man en(de)/ mo(m)boir katlijnen scheys zijns wijfs en(de) marien hagarts geheten mellens/ alle zust(er) en(de) brued(er) kijnde(re) also verre de selve goede inde p(ro)chie van binckem/ oft d(aer)omtrent gelegen zijn in dande(re) alse van eend(er) schue(re)n met haird(er) toebehoirte(n)/ gelegen te binckem ter plaetsen geheten te hoebruggen neven de goede jans/ hubrechts voirs(creven) Seggen(de) de selve jan dat hij vanden voirs(creven) goeden voirmaels/ des leden wae(re) viii jaer of meer guedinge hadde voe(r) hof en(de) he(re) d(aer)men/ de voirs(creven) goede af houden(de) wae(re) van jannese van erps geheten p(er)soons die/ de voirs(creven) goede met rechte gederft hadde niet te myn de guedinge liet/ hij gaen dair zij sculdich wae(re) te gaen hoe wael dat hij de voirs(creven) goede/ oeyseder? met vredelik(er) possessien hadde beseten Want tot dien wae(re) comen/ onlanx lijsbeth van peede wettige dochter katlijnen hoyts die zij hadde van/ henricken wilen van peede voe(r) den meye(r) en(de) scepen(en) sco(m)mandeurs van/ binckem en(de) hadde hem naden rechte vander banck inde voirs(creven) schue(r) gegoedt/ en(de) geerft en(de) dat de selve katlijne hadde twee wettige zuste(re)n geheten/ beatrijs en(de) lijsbeth en(de) dat die twee gesust(ere)n aflivich worden wae(re)n sond(er)/ wettige geboerte achter hen te laten also dat de voirs(creven) lijsbeth van peede/ e(n)nige dochter der voirs(creven) katlijnen hoyts wae(re) de naeste levende van desen/ goeden en(de) vand(er) zijden dair die afcomen wae(re)n Boet hij te thoenen/ voirts dat de vader alle der voirs(creven) p(er)sonen die den brief des voirs(creven) gielijs/ bekendt hebben als naeste levende henrix scheyde de jonge was nat[ur]lic/ en(de) hadde eenen naturliken brued(er) geheten henrick sceyde de jonge en(de)/ meer ande(re) bruede(re) die naturlic wae(re)n die hij hadde van div(er)sen vrouwe/ p(er)sonen en(de) oick ond(er) dande(re) henricken scheyde den jongen van lijsbetthen/ hoyts voirs(creven) bijden welken hen vanden voirs(creven) hoe(re)n naturliken oem gheen/ goede zund(er)linge versterven en konden En(de) want hij alle de voirs(creven) pointen/ en(de) meer ande(re) hem tot zijnen rechte dienen(de) boedt te thoenen en(de) de/ voirs(creven) ghielijs negheenssins en boedt te bewisene dat de voirs(creven) p(er)sone die/ hem den voirs(creven) brief bekent hebben oft hoe(r) vorde(re)n d(aer)toe ergens comen/ wae(re)n met hove cost [oft] met rechte zo en konste hen die van naturliken/ en(de) bastarden comen wae(re)n de voirs(creven) goede ghee(n)ssins v(er)sterven maer/ hoepte waer hij die pointen gethoenen konste dat de selve gielijs d(aer)aen/ met zijnen beleide verdoelt wae(re) en(de) des beg(er)de hij een vo(n)nisse D(aer)op/ de voirs(creven) gielijs hem verandw(er)dende hoepte dat die aensprake die jan hubrechts
//
te hemw(er)t gedaen hadde hem noch zijnen beleide gheen onstade doen en soude/ en(de) bij redenen want henrick scey de jonge was vergadert nae staet der/ heileger kercken met eenen vrouwen p(er)soone geheten agneese dmeyers/ en(de) die besaten de goede alse hue(r) wettige erve en(de) starven dair uut als/ uut hoiren wettigen erve en(de) hadden een wettige docht(er) geheeten lijnken/ sceys die uut desen goeden gestorven wae(re) als uut hoiren wettigen/ erve en(de) dat dese p(er)sone die hem den brief bekent hadden oft hoire/ werdynnen als brued(er) en(de) zust(ere)n wae(re)n de naeste leven(de) d(er) voirs(creven) katlijnen/ sceys en(de) van wettigen bedde en(de) van desen goeden hoepte waer hij de pointen/ gethoenen konste dat hem en(de) zijnen beleide de voirs(creven) aensprake gheen/ onstade doen en soude mer dat hem en(de) zijnen beleide de goede volgen/ souden en(de) sculdich wae(re)n te volgen des hij hem totten vo(n)nisse der scepen(en)/ getroeste So werden d(aer)op de he(re)n tscepen(en) gemaent vanden meye(r) die/ wijsden voe(r) een vo(n)nisse beide de voirs(creven) p(ar)tien tot hoiren bethoene ald(aer)/ ten dage toegesedt de voirs(creven) jan hubrechts thoende inden yersten met/ den meye(r) een vanden scepen(en) en(de) een vanden omstanders te dier tijt/ dat de voirs(creven) jannes van erps voirmaels dies leden was tusschen sess/ en(de) viii jaer comen wae(re) en(de) hadde den voirs(creven) janne hubrechts oft zijn/ wijf mer dwelc van hen beiden dat was en wysten zij niet inde/ voirs(creven) goede gegoedt en(de) geerft Thoende voirts metten scepen(en) van binchem/ dat voe(r) den meye(r) sco(m)mandeurs en(de) voe(r) hen comen wae(re) lijsbeth van/ peede voirs(creven) wettige docht(er) katlijnen hoyts voirs(creven) en(de) hadde met allen/ pointen van rechte na shoofs recht den voirs(creven) janne hubrechts inde/ voirs(creven) schue(r) gegoedt en(de) geerft En(de) voirt thoende hij met goeden/ ma(n)nen dat de voirs(creven) goede [wae(re)n come(n)?] en(de) beseten hadden de vad(er) en(de) moed(er) der/ voirs(creven) gesust(ere)n hoyts en(de) dat zij alle drie wae(re)n wettige zust(ere)n van vad(er) en(de) moed(er) en(de) van wettigen bedde en(de) dat de twee te weten beatrijs/ en(de) lijsbeth aflivich worden sond(er) wettige geboerte en(de) dat lijsbeth van/ peede docht(er) katlijnen hoyts zust(er) der voirs(creven) zust(ere)n de voirs(creven) goede v(er)storve(n)/ en(de) dat zij d(aer)af de naeste leven(de) was en(de) vand(er) zijden dair die af/ comen wae(re)n Thoende voirts metten selven dat de vad(er) der voirs(creven)/ p(er)sone die den brief den voirs(creven) gielijse bekent hebben was nat[ur]lic/ en(de) brued(er) henrix sceys nat[ur]lix mids welken thoenisse de selve jan/ hoepte en(de) meynde dat hem de voirs(creven) goede bliven souden en(de) sculdich/ wae(re)n te bliven aengesien dat zij alle van bastarden comen wae(re)n/ en(de) dat op hen niet versterven en konde and(er)s dan des hoe(re)n vad(er)
//
toecomen wae(re) en(de) also wae(re) d(aer)aen de voirs(creven) gielijs met zijnen beleide/ verdoelt en(de) des getroeste hij hem totten rechte De selve gielijs thoende/ alle tghene des hij hem in zijnre aenspraken v(er)meten hadde uutgesceyden/ dat zijn getugen niet en claerden als zij droegen dat lijnken scheys/ docht(er) henrix sceys de jonge uut desen goeden starf als hoiren wettige(n)/ erve So zeyden zij mede dat de bekenners van desen brieve dairaf/ de naeste levende wae(re)n mer zij en cleerden niet van desen goeden noch/ vand(er) zijden dair die afcomen zijn hoepte nochtan naden thoene die hij/ geleidt hadde en(de) na dat de voirs(creven) gehuysschen voe(r) en(de) de voirs(creven) lijnken/ hoe(r) wettige geboerte dair uut gestorven wae(re) na en(de) dese wae(re) de naeste/ levende die hen tvoirs(creven) beleidt gemaect hadde dat hem en(de) den selven/ zijnen beleide de voirs(creven) goede volgen souden en(de) sculdich wae(re)n te volgen(e)/ en(de) des getroest hij hem totten rechte en(de) beg(er)des een vo(n)nisse De voirs(creven) jan allegeerde/ en(de) zeyde wa(n)t de voirs(creven) gielijs zijns v(er)meedts niet volcomen en wae(re)/ en(de) hij opelic gethoent hadde dat dese goede vanden oud(ere)n der voirs(creven) drie/ gesust(ere)n hoyts comen wae(re)n so souden hem die goede peyslic en(de) rustelic/ bliven na der guedingen die hij d(aer)af hadde zo wae(re) de voirs(creven) gielijs/ met zijnen beleide d(aer)aen v(er)doelt en(de) des was hij wael getroest tot alsulken/ vo(n)nisse als de scepen(en) d(aer)af wisen souden en(de) beg(er)des gemaent te hebben/ Also dat ten utersten de he(re)n tscepen(en) van loeven(en) gemaent vanden mye(r)/ wijsden voe(r) een vo(n)nisse na aensprake v(er)antw(er)den en(de) thoenisse van beiden/ p(ar)tien dat de voirs(creven) ghielijs met zijnen beleide aen de voirs(creven) goede v(er)doelt/ wae(re) also verre het noch voe(r) hen comen was p(rese)nt(ibus) lomb(ar)t pynnock/ cap(elle)[ma(n)] vynck voshem m(ar)cii xix