SAL7739, Act: R°49.1 (106 of 608)
Search Act
previous | next
Act R°49.1  
Act
Date: 1445-08-31

Transcription

2019-12-01 by Frans Feyaerts
Item also als onlanx ten vervolge jans vleemi(n)c van braeckeneygen die naden rechte/
der stad van loeven(e) beleidt es tot allen den goeden jans vleemi(n)g zijns neven Ende/
ten versuecke vand(er) voirs(creven) stad van loeven(e) de meye(r) van ophain heeft gelev(er)t en(de)/
met rechte doen volgen den yersten genoemden janne oft zijnen zeke(re)n bode alle/
de voirs(creven) goede have en(de) erve en(de) besund(er) alsulken coren en(de) gewa alse stont ende/
gewassen was op drie stucken lants by een gelegen inde p(ro)chie van ophein voirs(creven)/
bijde goede henrix geryneal en(de) jans pirein (et)c(etera) dair aen en(de) aen alle de voirs(creven) goede/
hem ongebruyck pijnde te doen maroye weduwe wile(n) jans philippeal der selv(er) maroye(n)/
op heden te mistide oft zij yet eysschen woude dach bescheiden(de) voe(r) meye(r) en(de) scepen(en)/
van loeven(e) jegen den yerstgenoe(m)den ja(n)ne en(de) de voirs(creven) maroie te rechte niet v(er)schene(n)/
en es den selve(n) janne hoir te rechte niet v(er)schenen en es den selve(n) janne hoir/
te rechte op hede(n) voir d(er) noene(n) v(er)beyden(de) So heeft tvo(n)nisse d(er) scepen(en) van/
loeven(e) t(er) manisse(n) smeyers gewijst so wa(n)neer [waer] de voirs(creven) maroie des voirs(creven) jans/
wed(er)p(ar)tie ten rechte niet en quame ten opstane des meyers en(de) der/
scepen(en) datme(n) den voirs(creven) janne van des voirs(creven) es houde(n) sal in sijne(n)/
beleide also verre alst noch voe(r) scepen(en) van loeven(e) comen es act(um) p(er) o(mn)es/
scab(inos) abs(oloens) excepto f(eria) iii[a] aug(usti) ult(ima)/
ContributorsFrans Feyaerts , Agata Dierick
Moderated byMi-Je Van Gils
Last update: 2016-06-13 by Agata Dierick