SAL7739, Act: R°60.4 (135 of 608)
Search Act
previous | next
Act R°60.4  
Act
Date: 1445-09-09

Transcription

2019-11-28 by Frans Feyaerts
Item gheeram valke zoen joes wilen valke heeft gekent en(de) gelijdt/
dat hij van wegen peters vande(n) meersberge des jongen nu buyte(n)/
lants zijnde wael betaelt en(de) vernueght es van arsseter gelde dwelc/
hij den arssete(re) betaelt hadde van te ghenesen de quetsue(re)n van myncke(n)/
en(de) ande(r) die hij met janne roelofs geheten stas den selven ghera(m)me/
voirtijden gedaen heeft den selve(n) pet(ere)n vande(n) voirs(creven) arssete(re) gelde ope(n)bairlic/
quijtscelden(de) En(de) heeft voirt de voirs(creven) gheeram den voirs(creven) pete(re)n ope(n)bairlic/
quijtgescouden van zijnre smerten en(de) bet(er)nissen vande(n) selven quetsue(re)n/
en(de) mij(n)cken also verre de selve peter hem daer voir doet een bedev(ar)t te/
meylanen en(de) d(er)w(er)t te porren tusschen dit en(de) kersmisse naestcomen(de)/
op dat hij vi weeken voe(r) kersmisse bynnen lants compt of bynne(n)/
vi weeke(n) na dat hij bynnen lants comen sal op dat hij vi weeken/
voe(r) kersmisse niet en quame en(de) heeft geloeft den selven pete(re)n/
van zijnre bet(er)nissen der voirs(creven) quetsue(re)n en(de) mincken met dien wege/
te vreden te zijn sond(er) hem meer voird(er) te belasten oft te pramen/
in e(n)nigher manie(re)ren cor(am) eisd(em)
ContributorsFrans Feyaerts
Moderated bykristiaan magnus
Last update: 2016-09-06 by Agata Dierick