It(em) cond zij allen lieden dat qui(n)ten quantele(re) es comen in teg(enwoirdicheit)/ der scepen(en) van loeven(e) ende heeft genomen ende bekent dat hij genome(n)/ heeft van gielijse van cortbeke diemen heet de mu(n)te(re) thoff ter mee(re)/ des selfs gielijs metten huysen hoven en(de) wynnen(de) landen daertoe/ hoe(re)nde uutgenomen de poerten ald(aer) met haerer toebehoirten en(de) thuyske(n)/ staende ald(aer) naest der poerten daer inne de voirs(creven) qui(n)ten niet/ rechts hebben en sal Te houden te hebben ende te wynnen van half/ meye lestleden eenen t(er)mijn van twelf ja(r)en langc deen nae dand(er)/ sond(er) myddel volgen(de) elcx jaers dae(re)n bynnen om sevene(n)dertich/ mudden rogs en(de) twee mudden tarwen beide goets en(de) payabels/ pachts met wanne en(de) met vede(re)n wael bereydt d(er) maten van loeven/ sente andries misse apostels te betalen en(de) tot loeven te loeve(re)n/ jaerlijx den voirs(creven) t(er)mijn due(re)nde en(de) telken t(er)mijne alse v(er)volghde/ schout It(em) sal hebben de voirs(creven) wyn den voirs(creven) t(er)mijn due(re)nde de/ heyde en(de) dbosch gelegen acht(er) tvoirs(creven) hof en(de) de heyde metten bo/ g(ar)de en(de) hof half doeft gelegen voe(r) tvoirs(creven) hof elcx jaers dae(re)n/ bynnen voe(r) en(de) om vijf gulden pet(er)s d(er) mu(n)ten sh(er)togen van burg(oign)[en]/ en(de) van brabant sessenvijftich tournoyse en(de) seven mudde evene(n)/ der maten van loeven(e) sente mertens misse te betalen te weten/ de voirs(creven) vijf pet(er)s en(de) vier [drie] mudde evene(n) en(de) een half den voirs(creven) gielijse/ en(de) de(n) voirs(creven) gielijse evene te loeven(e) te leve(re)n en(de) dand(er) drie mudde/ en(de) een half evene(n) en(de) sessenvijftich tournoyse den rentmeest(er) sh(er)toge(n)/ van brab(ant) te loeven(e) den voirs(creven) t(er)mijn due(re)nde en(de) telken t(er)mijn/ alse vervolghde schout It(em) sal de voirs(creven) wyn jaerlijx hie(re)n bynnen/ leve(re)n int voirs(creven) hof tween(de)dertich mandelen walms goet ende/ cusbaer om de huysinge ald(aer) mede te decken en(de) alsmen ald(aer) dect ty(m)mert/ metst oft plect van ouden wercke d(aer)af sal de voirs(creven) gielijs de dachue(re)n/ betalen en(de) de voirs(creven) wyn sal den werclieden den montcost gheven/ ende alle den leem calc steene en(de) savel diemen ald(aer) behoeven sal/ die sal de voirs(creven) gielijs copen maer de voirs(creven) wyn sal dien halen/ met sijnen waghen en(de) p(er)den It(em) sal de voirs(creven) wyn de huysinge vande(n)/ voirs(creven) hove houden(e) vand(er) und(er)ster rijkelen ned(er)waert op sijnen cost/ den voirs(creven) t(er)mijn due(re)nde It(em) sal de voirs(creven) wyn noch hebben den/ voirs(creven) t(er)mijn due(re)nde den beemde geheeten voerbeemde gelegen inde/voerbeemde twee stucken inde voerbeemde inde p(ro)chie van velthem/ / een stuck beemts gelegen opte dyebrugghe inde p(ro)chie van erpse en(de)/ een stuck eteeussels gelegen te velthem inde specstrate elcx jaers/ daer bynne(n) voe(r) en(de) om twintich rijnsch gulden(en) van goude/ goet en(de) gheve tsente mertens misse inden wynt(er) te betalen den/ voirs(creven) t(er)mijn due(re)nde en(de) telken t(er)mijne alse vervolghde schout It(em)/ sal de voirs(creven) wyn opte voirs(creven) goede jaerlijx hie(re)n bynne(n) houden hond(er)t/ scape en(de) en sal de voirs(creven) wyn opte voirs(creven) goede sijn beesten inde/ bossche ald(aer) niet laten gaen ten zij dat die spruyten twee jaer oudt/ sijn It(em) moegen de voirs(creven) gielijs en(de) de wyn ten halven tijde vanden/ voirs(creven) t(er)mijn s deen vanden ande(re)n sceyden behoudelijc dien dat de ghene/ die sceiden wilt dat den ande(re)n een jaer te voe(re)n kundigen sal en(de)/ laten weten It(em) waert also dat de voirs(creven) lande yegerens van regen/ oft wate(r) grebben uutgescuerdt en(de) gemaect wa(r)en oft bynnen den/ voirs(creven) t(er)mijn gemaect wordden dat sal de voirs(creven) wyn op sijnen/ cost also maken dat den voirs(creven) gielijse daeraf negheen stade/ comen en sal ende waert also dat de selve wyn des niet en/ dade en(de) de voirs(creven) gielijs d(aer) bij scade leede dat [soe sal] dan de selve gielijs/ dat sal in [dien] doen maken en(de) op cost en(de) last des voirs(creven) wynne(n)/ It(em) sal de voirs(creven) wyn den wech boven en(de) beneden thof sijnen/ t(er)mijn due(re)nde op sijne(n) cost houden en(de) maken also datmen daer/ vae(re)n en(de) gaen mach It(em) sal de voirs(creven) wyn den voirs(creven) gielijse/ jaerlijx den voirs(creven) t(er)mijn due(re)nde doen thien corweyden met sijnen/ waghen en(de) p(er)den It(em) sal de voirs(creven) wyn alle dmest inde messye/ ald(aer) sijnde drie werven tsjaers uutvue(re)n opt voirs(creven) lant slants/ meesten p(ro)fijte en(de) de messie voirs(creven) op dleste te sijnen afsceiden bloet/ laten en(de) dat mest vue(re)n daert den voirs(creven) gielijse orbelijxt duncke(n)/ sal It(em) sal de voirs(creven) wyn de voirs(creven) lande te sijnen afsceiden laten/ gelijc hij die vint te sijne(n) aencomen te weten den wynt(er)aert houden(de)/ thien boende(r) op vier getideghe voe(re)n daeraf hij besaeyt vint de/ acht boende(r) met rogge en(de) de twee boend(er) met tarwen den/ som(er)art houden(de) seven boend(er) te weten drie boend(er) garsten en(de) vier/ boend(er) evene(n) op [de garste d(aer)af op] drie getidege voe(re)n en(de) de evene(n) op vier [twee] getidege/ voeren al wael geect gelijc dat behoirt It(em) sal de voirs(creven) wyn/ de vorlen vanden voirs(creven) goeden wynnen en(de) werven also die gewonnen/ sijn en(de) den plach ploegh gaen mach It(em) sal de voirs(creven) gielijs den/ / voirs(creven) wynne jaerlijx den voirs(creven) t(er)mijn leve(re)n drie molevaten lijnsaets/ dwelc hem de voirs(creven) [wyn] besaeyen sal en(de) te zomer alst tijtverdich dlant/ wael en(de) loflijc daer toe bereyden op sijne(n) cost It(em) sal de voirs(creven)/ wyn jaerlijx den voirs(creven) t(er)mijn due(re)nde betalen allen den tsijs en(de)/ co(m)mer uuten voirs(creven) goeden gaende sond(er) afslach vanden voirs(creven) pachte/ Ende alle dese vorw(er)d(en) (et)c(etera) Ende hier af sijn borgen des voirs(creven)/ wynne(n) alse principael sculde(re)n ongesund(er)t en(de) onv(er)sceide(n) en(de) elc voe(r)/ al gheert en(de) goert quantelaerts gebruede(re) bruedere des voirs(creven)/ wynne(n) steven stercx en(de) jan aerts geheten hoyman p(ri)m[(us)]/ lomb(ar)t wijtvliet dec(embris) ii[a]