It(em) jan kijnensoen willem voet en(de) jan rampart hebben openbaerlijc/ gequijteert en(de) quijtgescouden andriesen de wyn henricken de greve/ janne den zage(re) ende kerstijnen wedewe henrix wijlen de wyn van/ alsulken hondert en(de) xx saluyten goet en(de) gheve als d(aer)inne jan wijlen/ de wyn vader des voirs(creven) andries en(de) wijlen henrix ten voirs(creven) drie p(er)sone(n)/ waert oft tot e(n)nigen van hen gehouden es oft wesen mochten mids/ zeke(re)n scepen(en) brieven van loeven(en) d(aer)op gemaect also v(er)re als de selve vier/ p(er)sone gequijteerde [of hoe(r) goede] inde voirs(creven) so(m)me van pe(n)nigen e(n)nichsins gehouden/ oft v(er)bonden sijn moegen Voertaen heeft quijtgescouden de voirs(creven) jan/ kijnensoen den voirs(creven) vier p(er)sonen [andriese henricken ja(n)ne dzage(re) en(de) kerstinen] van alsulken vo(n)nisse als onlanx ge/ wijst es bijden scepen(en) van loeven(en) tusschen hem als geleydt totten/ haefleken goeden des voirs(creven) wijlen jans in deen zijde ende den selve(n)/ p(er)sonen en(de) in dande(re) als vanden haeflijken goeden voirs(creven) van/ welken vo(n)nisse de selve jan hem hielt voe(r) wael content ende/ v(er)nueght Ende hebben geloeft de voirs(creven) jan kijnen willem voet/ en(de) jan rampart den voirs(creven) andriese de v noch sijnen medeplicht(ere)n/ vanden voirs(creven) gelde noch haefleken goeden voirs(creven) vo(n)nisse voirs(creven) [saken of] / ne(m)m(er)meer aen te spreken bij hen oft yemand and(er)s [in] egheenen/rechte geestelijc oft werlijc in e(n)nig(er) manie(re)n cor(am) abs(oloens) py(n)noc/ ja(nuarii) xi