It(em) uut dien dat jacob uuten lyeminghen en(de) jacob de gruyte(re) gevo(n)nist hebben/ voe(r) meye(r) en(de) scepen(en) van loeven sp seke(re) scepen(en) brieve van loeven spreken(de)/ van liiii gulden schilden d(er) mu(n)ten tshertoghen van bourg(oignen) en(de) van/ brabant jairliker lijfrenten aen en(de) op de goede die wae(re)n boudens/ van buyten en(de) jacobs van orshaghen die zijnre docht(er) heeft gelege(n)/ te waelhem en(de) eld(er) dair omtrent gelijc die inde voirs(creven) scepen(en)/ brieve volcomelic genoemt en(de) gespecificeert staen daer af/ tvo(n)nisse der scepen(en) van loeven wijsde dat de voirs(creven) jacob en(de)/ jacob trecken souden met meye(r) en(de) scepen(en) van loeven opte/ voirs(creven) pande Vonde de meye(r) dair te panden so soude hij panden/ en(de) en vonde hij niet te panden zo soude hij voertvaren met den/ rechte Welke vo(n)nisse gewesen sijnde de voirs(creven) jacob en(de) jacob/ ter stont in jeg(enwoirdicheit) d(er) scepen(en) van loeven mechtichden tselve vo(n)nisse/ te v(er)volge hildeg(ar)de van holsbeke clerck d(er) stad van loeven/ So is de voirs(creven) hildeg(ar)t getogen met meye(r) en(de) scepen(en) van/ loeven(en) opte voirs(creven) pande d goede en(de) ond(er)pande die hem/ vanden voirs(creven) meye(r) in jeg(enwoirdicheit) vanden scepen(en) mids dat daer/ niet te panden en was gelevert en(de) in handen gesett sijn/ tot behoef der voirs(creven) jacob pensionarisen voe(r) gebreck vanden/ voirs(creven) hae(re)n lijfrenten en(de) voe(r) cost en(de) co(m)mer daer op gegaen/ metten rechte cor(am) ca(pelle)[ma(n)] voshem febr(uarii) xi