It(em) cont zij allen lieden dat henrick van pulle es comen in teg(enwoirdicheit) der scepen(en)/ van loeven(en) ende heeft gegeven ende bekent dat hij gegeven heeft reyne(re)n/ vanden broecke sone jans vanden broecke thof geheeten tscoenenb(er)ghe des voirs(creven)/ henrix gelegen te libbeke metten huysen hoven stallen schu(re)n bog(ar)den wynnen(de)/ landen beemden [en] eeusselen en(de) allen ande(re)n sijnen toebehoirten [dair toe hoirende] Te houden te hebbe(n)/ ende te wynnen van half merte dat was int jaer ons he(re)n dusent vier/ hondert ende drienveertich eenen t(er)mijn van twelf jae(re)n langc deen nae dand(er)/ sonder myddel volgen(de) elcx jaers dae(re)n bynnen voe(r) en(de) om twintich sacke rogs/coe(re)ns goet en(de) payabel met wanne en(de) vloegelen wael bereyt der maten/ ende pacht van loeven(en) te sinte andries misse apostels te betalen en(de) te loeven/ te diest tarschot oft also v(er)re daert den vois(creven) henricke gelieven sal te leve(re)n/ jaerlijx den voirs(creven) t(er)mijne due(re)nde en(de) telken t(er)mijn alse v(er)volghde schout En(de)/ de voirs(creven) beemde en(de) eeussele voe(r) en(de) om sesthien hollantsche gulden(en) van/ goude goet en(de) gheve tsente mertens misse inden wynter te betalen jaerlijx/ den voirs(creven) t(er)mijn due(re)nde en(de) telken t(er)mijne alse vervolghde schout It(em) sal de
//
voirs(creven) wyn de voirs(creven) lande sijnen t(er)mijn due(re)nde wael ende loflijc wynnen ende/ werven en(de) mesten [en(de) besaeyen] gelijc sijnen reengenoten boven ende beneden It(em) en sal/ de voirs(creven) wynne jaerlijx mach [maer] een dachmael moegen hoervruchten het/ en ware gegraven ende de voirs(creven) wyn sal tsjaers eenen wercman setten/ vier dage om de breemen en(de) dorne uuter weyen te roedene Ende voirt/ soe h sal hij aen de voirs(creven) goede berringe rapen en(de) houden houwen ter mynst(er)/ cost en(de) meesten p(ro)fijte It(em) sal de voirs(creven) wyn de de voirs(creven) lande wael ende/ loflijc beheymen en(de) de grechten met eerden en(de) doernen behoudelijc dat/ hij de stichelen den voirs(creven) goeden toebehoe(re)nde sal moegen maken met eyken/ oft met ande(re)n houde houte vanden selven goeden t(er) mynst(er) schaden ende/ ten beste p(ro)fijte Voirts soe sal de voirs(creven) wyn jaerlijx moeten halen alle/dat ten hove toebehoirt datmen behoeft totten huysinge vanden voirs(creven)/ hove vanden ouden wercke het zij steene hout stroe calc behoudelijc oft/dat hij yegerens ongelt gheven moeste dat sal hem de voirs(creven) henrick oprichte(n)/ It(em) sal de voirs(creven) wyn jaerlijx den voirs(creven) t(er)mijn due(re)nde doeft dat opte voirs(creven)/ goede wassen sal ter eerden leve(re)n ende dan sullent de voirs(creven) henrick/ en(de) de wyn dat deylen half en(de) half Voerts soe sal de voirs(creven) wyn soe/wanneer de(n) voirs(creven) henricke(n) soe wanneer men eenegerende werck aenthof werckt [soe wanneer hij bynne(n) den voirs(creven) hove]/ compt hem and(er) oft alleene soe sal de selve wyn hem [en(de) men eene(n) eenich werck aent voirs(creven) hof werctt] gheve(n)/ pottagie en(de) melc [en(de)] behoeft hij and(er)s e(n)nigen dienst om and(er) p(ro)vande/ te halen bynnen sdorps ald(aer) dat sal men hem doen It(em) sal de voirs(creven) wy(n)ne/ de voirs(creven) lande laten gelijc ande(re) wynne(n) daer sculdich sijn te doene en(de)/ den roggen aert [besaeyt] met rogghe [bes] It(em) sal de voirs(creven) wyn alle jae(re) leve(re)n/ int voirs(creven) hof twee hondert walms om de huysinge vanden selven/ mede te decken en(de) alsmen die ald(aer) verdect sal de voirs(creven) wyn den/ montcost gheven en(de) henrick de dachue(re)n betalen Voirts soe sal de/ voirs(creven) wyn de huysinge vanden voirs(creven) hove houden vand(er) und(er)ster rijkele(n)/ nederw(er)t op sijnen cost dies sal hem de voirs(creven) henrick leve(re)n latten/ en(de) ijser ende alle dese vorw(erde) (et)c(etera) Ende des sijn borgen des voirs(creven)/ wynnen reyne(r) vande(n) broecke van tielt [soen wilen] reyners soen jan creecman/ van lybbeke (et) p(ri)m[(us)] wijtvliet cap(elle)[ma(n)] m(ar)cii x