It(em) cond zij allen lieden dat laureys geheten de groote laureys woenen(de) te/ gottekem es comen in teg(enwoirdicheit) (et)c(etera) ende heeft genomen ende bekent dat hij/ genomen heeft van meester gielijse van zeebroeck die geleydt es totten/ goeden jans de smet des jongen van erkenen sijns zwag(er)s thoff geheete(n)/ del vaul metten huysen hoven stallen schue(re)n bog(ar)den wynnen(de) landen beemde(n)/ eeusselen en(de) allen ande(re)n sijnen toebeh(oirten) gelegen te gottekem inde p(ro)chie/ van bossuyt gelijc lambert del vail de voirscr(even) goede hier voermaels in/ pechtingen gehouden heeft Te houden te hebben en(de) te wynnen van half/ merte naestcomen(de) eene(n) t(er)mijn van twelf jae(re)n langc deen nae dand(er)/ sonder myddel volgen(de) elcx jaers dae(re)n bynnen te weten de voirs(creven) lande/ en(de) weyden met eene(n) boend(er) lants dat vercregen es tegen janne moreal/ dwelc de voirs(creven) lamb(er)t in pachtingen niet gehouden en heeft tsamen/ voe(r) en(de) om sesthien mudden rogs goet en(de) payabel met wanne en(de)/ vloegelen wael bereydt d(er) maten van loeven(en) te sente andries misse/ apostels te betalen en(de) te loeven te leve(re)n den voirs(creven) meester gielijse/ jaerlijx den voirs(creven) t(er)mijn due(re)nde en(de) telken t(er)mijne alse vervolghde/ schout It(em) sal de voirs(creven) wyn jaerlijx bynne(n) den voirs(creven) hove leve(re)n/ vierhondert walmen om de huysinge mede te deckene en(de) alsmen die/ ald(aer) verdect plect me[t]st oft ty(m)mert van ouden wercke d(aer)af sal de/ wynne den werclieden den montcost gheven en(de) de voirs(creven) meester/ gielijs de dachhue(re)n It(em) sal de voirs(creven) wyn de huysinge vanden voirs(creven)/ hove vand(er) und(er)ster rijkelen ned(er)waert houden op sijnen cost It(em) sal/ de voirs(creven) wyn alle tstroe dat vanden voirs(creven) lande comen sal int/ voirs(creven) hof slijten en(de) mest daeraf maken en(de) dat vue(re)n op tvoirs(creven)/ lant slants meesten p(ro)fijte It(em) sal de voirs(creven) wyn jaerlijx den voirs(creven)/ t(er)mijn due(re)nde de grechten en(de) vlieten aende voirs(creven) beemde en(de) staende/ en(de) vlietende houden op sijnen cost en(de) die ten behoirlijke tijde ruyme(n)/ vagen en(de) ryoelen also dat bij ocsuyn vandien van beleyden oft and(er)ssins/ gheen scade en come Ende desgelijx de gate aen de voirs(creven) beemde staende/ wael en(de) loflijc opmaken dat daer gheen scade af en come It(em) sal de/ voirs(creven) wynne de voirs(creven) lande jaerlijx sijnen t(er)mijn due(re)nde wael ende/ loflijc wynnen en(de) werfven gelijc sijnen reengenoten boven ende/ beneden en(de) die laten te sijnen afsceiden gelijc hijse vint te sijnen/ aencomen dats te weten vier boend(er) lants gelege(n) acht(er) le brijer/ besaeyt met rogge en(de) een boend(er) d(aer) bij gelegen met tarwen op
//
sijn vier getideghe voren en(de) dand(er) goede brake ops een voe(re) It(em)/ sal voirts de voirs(creven) wynne int voirs(creven) hof laten ten afsceiden van/ sijnen t(er)mijn also vele stroes en(de) hoys en(de) meer and(er)s [voesteringe] als hij int/ incomen van sijne(n) t(er)mijn daer inne bevonden heeft Ende alle dese/ vorw(er)den (et)c(etera) pynnoc voshem m(ar)cii xii