Van weynken everaerds valporte(n) remunde/ Het zijn comen voe(r) de raide der stad van loeven(e) weynken everards zoon wilen/ weyns en(de) met hem peter van wechelen zijn zwager ter eenre zijden en(de) aleydt/ van remu(n)de weduwes des voirs(creven) wilen weyns en(de) met hoire loedewijc van/ wet(er)beke die naden rechte der stad van loeven(e) beleidt is tot hoiren goeden/ ter ande(re) Aldair de voirs(creven) peter in name en(de) van wegen des voirs(creven) weynkens/ op dede int lange hoe dat de voirs(creven) wilen weyn [uut] ocsuyne van zeke(re)n leengoede(n)/ en(de) anders hem kynnende [tot] den voirs(creven) weynkene zijnen zone grotelic gehouden/ zijnde den selven geloefde gaf en(de) maecte xx saluyte die te heffen en(de)/ te boe(re)n van alsulken gelde alse wouter borgelijn sculdich was vanden cope/ van des voirs(creven) weyns huyse geleg(en) opten hoeck vand(er) eycstraten om d(aer)mede/ opten voirs(creven) weynken lijfpensie te copen Welc gelt de voirg(enoemde) wout(er) voirt/ bewijst hadde aen janne vand(er) valpoerten die zeke(re) goede gelegen inde/ cleynstrate jegen den selven wout(ere)n hadde gecocht en(de) vercregen en(de) hoewael/ de voirs(creven) jan de betalinge van dien te hemw(er)t genomen hadde den voirs(creven)/ weynken te doene en(de) hem dairaf toegeseeght zo verre hij ingebreke wae(re)/ d(aer)af de renten na gelande te betalen so wae(re) hij des in gebreke vanden/ p(ri)ncipale en(de) en hadde van zeke(re)n jae(re)n maer eene(n) saluyt van rinten betaelt/ Beg(er)de dairom de voirs(creven) peter niet wederstaende den calaengien oft besette/ dat nu de voirs(creven) aleydt oft de voirg(enoemde) loedewijck alse tot hoiren goeden/ geleidt vanden voirs(creven) gelde aen den voirs(creven) janne gedaen hadde datmen/ den voirs(creven) janne daer voer ogen zijnde indien hadde dat hij tvoirs(creven)/ gelt opleyde om den voirs(creven) armen knecht weynkene dien van vad(er) ende/ moed(er)liker erven niet vele meer te goede bleven en wae(re) rinten gecocht/ te worden ind(er) manie(re)n voirs(creven) oft also dat der stad na gelegenth(eit) redelike(n)/ soude [du(n)cken] (et)c(etera) Den voirs(creven) janne daertoe seggen(de) dat de voirs(creven) weduwe tvoirs(creven)/ gelt aen hem besedt hadde en(de) beg(er)de dat van hem te hebben En(de) al en/ wae(re) des niet zo en soude heij tvoirs(creven) gelt also niet sculdich zijn ov(er)tegeve(n)/ want het wae(re) waer dat hij voirmaels tot des voirs(creven) weyns goede(n)/ geleidt was en(de) doen hij mids machte van dien zek(er) guedinge dede zo/ sprack hij voe(r) zeke(re) schout die de voirs(creven) weyn everarde van wynge en(de) meer/ ande(re)n sculdich was met vorw(er)den dat hij tgelt vand(er) voirs(creven) guedingen/ d(aer)toe heffen soude met condicien dat tghene des boven de schout oeve(re)n/ soude en(de) boven den gelde dair mede de voirs(creven) weyn afleide twee/ mudde corens die de voirs(creven) alijdt eer hijse truwede sculdich was/ gedragen(de) de selve ov(er)bate als hij betaelt wae(re) zo hij zeyde omtrent/ xvi saluyte datmen daermede opte kijnde(re) besund(er) opten voirs(creven) weynk(en)/ voirt renten copen soude (et)c(etera) Maer hoewael dat also voirsproken was/ en(de) hij de voirs(creven) jan inde betali(n)ge vand(er) voirs(creven) schout voird(er) comen/ was dan hij noch gehaven hadde zo hadde hij van noods wegen na
//
dat hem de voirs(creven) weyn zeker gelt onthaven hadde en(de) hem d(aer)af verrast jegen den/ voirs(creven) wout(ere)n coma(n)scap gedaen in afslage van dien en(de) nochtan boven dien waerme(n)/ hem noch tacht(er) dat hij meer betaelt hadde dan inne gehaven de weerde van/ iiii saluyte oft almeer dan hij alnoch geweten konde mair voir al kende tvoirs(creven)/ gelt also ond(er)hebben(de) op beloep van renten dairaf hij kijnde eenen saluyt/ sculdich zijnde seggen(de) dat hij mids den reden(en) voirs(creven) d(aer)mede qualiken toeq(ua)me/ Bege(re)nde d(aer)om de selve jan zijn voirs(creven) gelt d(aer)af te trecken en(de) dat hij voirt/ van dien gelde en(de) anders aen de handelinge voirs(creven) clevende ongelast bliven/ mochte de voirs(creven) aleyd en(de) loedewijck d(aer)toe seggen(de) dat zij hoepten en(de) meynden/ dat niet wederstaende des voirs(creven) is dat de selv(er) alijten als weduwe/ des voirs(creven) weyns tselve gelt wantt have wae(re) [sculd(ich) ware] te volgen en(de) nyeman(de)/ and(er)s Zeggen(de) totter redelich(eit) van dien dat zij zom huers vad(er)lik(er) erve om/ des voirs(creven) weyns schout vercocht hadde en(de) also soudsi niet alleen van rechts/ maer oic van bescheits wegen tvoirs(creven) gelt billix trecken en(de) dair om hadde/ zij tselve gelt doen beslaen bege(re)nde eyntelic dat opgeleeght te hebben oft/ d(aer)af voe(r) meye(r) en(de) scepen(en) te rechte gestelt te werden (et)c(etera) Den voirs(creven) pete(re)n/ d(aer)op replice(re)nde en(de) seggende dat tusschen de selve weduwe en(de) den kijnde(re)n des/ voirs(creven) weyns velerha(n)de handelinge voirtijts na doode des voirs(creven) weyns/ geweest was en(de) dat zij zund(er)linge van als belicht wae(re)n en(de) behoirlike/ quitan(cie) van allen zaken malcand(ere)n gegeven hadden mids den welken en(de)/ tghene des voe(r) van desen gelde geschiet wae(re) zij gheen reden(en) noch bescheit/ d(aer)toe hebben en soude met meer woirden tallen zijden gealligeert al int/ lange Naden welken de raet vander stad rijpeliken he(n) hier op en(de) des/ dairaen cleefde besonnen en(de) besproken hebben(de) heeft get(er)mineert en(de) voir recht/ in vollen raide uutgesproken dat de voirs(creven) weduwe en(de) loedewijc tot hoe(re)n/ goeden geleidt aen tvoirs(creven) gelt verdoelt zijn en(de) bliven zullen en(de) datmen te/ nyeute doen sal alsulken scepen(en) brieven en(de) geluften als and(er)wile vanden/ cope vanden voirs(creven) huse den voirs(creven) weyne en(de) janne gedaen worden en(de)/ noch uutstaende zijn En(de) dat de voirs(creven) jan vand(er) valpoerten opleggen en(de)/ ov(er)geven sal de voirs(creven) xx saluyte metten welken men copen sal lijfpensie/ ten live des voirs(creven) weynkens en(de) marien docht(er) des voirs(creven) pet(er)s va(n) wechelen/ in welk(er) lijfpensien de voirs(creven) pet(er) en(de) jan oft deen van hen theffen hebbe(n)/ zal in deser vuegen te weten(e) dat de brieve alhier onder de clerck bliven sullen/ tot oirbe(r) en(de) nutscape des voirs(creven) weynkens dien de voirs(creven) lijfpensie alleen toebehoe(re)n/ sal zijn leefdage lang Behoudelic dat de voirs(creven) jan zijn iii saluyte die hem/ boven den eenen dien hij kijndt van v(er)schenen(en) rinten aen hem selve(n) afgeslagen zijnde/ noch gebreken voer in vanden yersten renten opheffen en(de) boe(re)n sal en(de) dat/ van dan voert de voirs(creven) renten jaerlix den voirs(creven) weynkene gedaen en(de)/ voirtgekeert zullen worden als dat behoirt en(de) na alle gelegenth(eit) sculdich/ is te geschiene sond(er) argelist Act(um) in pleno (con)silio fe(r)ia iiii[ta] m(ar)cii viii a(nn)[o] xlv