Tco(m)p(ro)mis tussche(n) de s(cepenen) va(n) l(oevenen) en(de) wesalia/ It(em) vanden stoote geport tusschen de burg(er)meest(ere)n en(de) raide vand(er) stad in deen/ zijde en(de) meester janne van wesele doctoer in medecine(n) in renu(n)cie(re)nde als te/ desen der p vryheit en(de) p(ri)vilegien vand(er) univ(er)siteit van loeven(en) in dande(re) vander/ l(e)c(t)uren ordinarijs in medecinen een tijt van jae(re)n d(aer)af de de stad die de voirs(creven)/ meester jan meyndt dat de stad hem sculdich es te doen hebben et op/ sijn stupendien te laten eenen tijt van jae(re)n dairaf de selve stad ongehouden/ meyndt te wesen So hebben hen beide de voirs(creven) p(ar)tien van des voirs(creven) es ende/ des daer aen cleeft gekeert in segge(re)n te weten de voirs(creven) stad in meester/ pete(re)n welle p(re)dica(r)e p(ro)fess(or) in theolegien en(de) arnol(dus) kyp en(de) de voirs(creven) meest(er)/ jan in meester janne van gronselt doctoer in loyen en(de) meester janne van/ hasselt op alsulke vuege dat de voirs(creven) meester jan den voirs(creven) segge(re)n van sijnre/ aenspraken informe(re)n sal bynne(n) acht dagen naestcomen(de) daer jegen de burg(er)/ meest(ere)n en(de) raid voirscr(even) van hoe(re)n verantw(er)dden daer op en(de) besceide den selve(n)/ segge(re)n informe(re)n sullen bynnen viii dagen daer nae volgen(de) Ende dat gedaen/ sullen de segge(re)n ofts noet zij de thoenissen in beiden zijden aenhoe(re)n bynnen viii/ dagen dan v(er)volgen [d(aer) nae en(de) hoe(r) uutsprake dae(re)nteynden doen bynnen acht dagen] op dat zij des samentlijc eens wordden ende ofts des/ niet en wae(re) so sullen sij de sake ten eynde vanden selven viii dagen ov(er)gheve(n)/ in handen mijns he(re)n sproefsts van sente g(er)truden te loeven(en) die als ov(er)man sijn/ uutsprake daeraf doen sal bynnen viii dagen daer naest volgen(de) P(ro)mitten(tes) ratu(m) (et)c(etera)/ lomb(ar)t pynnoc do(meni)[ca] maii viii anno xlvi