It(em) cond zij allen lieden dat goert vand(er) straten [geheete(n) feys] van rode bij cortelke/ es comen in teg(enwoirdicheit) (et)c(etera) ende heeft genome(n) en(de) bekent dat hij genome(n)/ heeft van meest(ere)n pete(re)n boote rectoer des autaers van onser liev(er) vrouwe(n)/ ind(er) kercken van rode gefundeert bij amelrijken boote zeke(re) beemden ende/ eeusselen den voirs(creven) autaer toebehoiren(de) gelegen in roderbeemde en(de) d(aer)bij in/ vijf stucken en(de) thien ende een half dachmael wynnens lants gelegen/ oec te rode in sesse stucken omtrent der gulden delle gelijc jan vand(er)/ hoeven de voirs(creven) goede in pechtingen voirtijts gehouden heeft Te houde(n)/ te hebben en(de) te wynnen van half merte lestleden eene(n) t(er)mijn van twelf/ jae(re)n langc deen nae dand(er) sond(er) myddel volgen(de) elcx jaers dae dae(re)n/ bynne(n) de voirs(creven) wynnen(de) lande voe(r) en(de) om vier mudde coe(re)ns [rogx] goet/ en(de) payabel met wanne en(de) vloegele(n) wael bereydt d(er) maten van/ loeven(en) sente andries misse apostels te betalen en(de) te loeven te leve(re)n/ den voirs(creven) meester pete(re)n den voirs(creven) t(er)mijn due(re)nde en(de) telken t(er)mijne alse/ v(er)volghde schout Ende de voirs(creven) beemde en(de) eeussele voe(r) jaerlijx dae(re)n/ bynne(n) voe(r) en(de) om neghen gulden pe(n)ninge geheeten schilde d(er) mu(n)ten/ ons gene(dichs) he(re)n sh(er)togen van burg(oign)[en] en(de) van brabant goet ende/ gheve sente mertens misse te betalen den voirs(creven) meest(er) pete(re)n/ den voirs(creven) t(er)mijn due(re)nde en(de) telken t(er)mijne alse v(er)volghde schout It(em)/ sal de voirs(creven) wyn den capellaen die de voirs(creven) voirs(creven) meester peter/ ald(aer) setten [sal] jaerlijx den voirs(creven) t(er)mijn due(re)nde gheven thien mandelen/ stroes behoudelijc dat de wyn de welke de voirs(creven) capellaen met/ sijnen beesten etten en(de) slijten sal en(de) te mest maken en(de) dmest d(aer)af/ comen(de) sal de voirs(creven) wyn hebben en(de) dat vue(re)n op dlant slants meeste(n)/ p(ro)fijte Voirts es vorw(er)de dat de voirs(creven) wyn betalen sal alle den/ tsijs van pe(n)ningen uuten voirs(creven) goeden gaende jaerlijx als dien vallen/ sal sond(er) afslach vanden voirs(creven) pachte van corne en(de) gelde also dat/ de voirs(creven) meester peter daeraf gheen cost noch scade en lijde ende/ allen ande(re)n co(m)mer uuten voirs(creven) goede(n) gaende die sal de voirs(creven) capellaen/ betalen It(em) sal de voirs(creven) wynne de voirs(creven) lande sijnen voirs(creven) t(er)mijn/ due(re)nde wael en(de) loflijc wynnen werven en(de) mesten gelijc reenge/ noten boven en(de) beneden en(de) die laten gelijc hijse vyndt in sijnen/ aencomen ende de voirs(creven) beemde wael en(de) loflijc vagen en(de) royoelen/ daer zij des best te doen hebben sullen also dat den voirs(creven) meester pete(re)n/ d(aer)af gheen scade en come Voirts soe sal de voirs(creven) wyn de voirs(creven)/ lande beemde en(de) eeussele(n) sijne(n) t(er)mijn due(re)nde wael en(de) loflijc op/ sijne(n) cost bevreden ende alle en(de) ten lesten jae(re) wael bevreet/ laten Ende alle dese vorw(erden) (et)c(etera) ende hieraf sijn borgen des/ voirs(creven) wynne(n) arnt vand(er) straten geheete(n) feys sijn brued(er) en(de) jan/ leeman beide van nuwerode p(ri)m[(us)] cap(elle)[ma(n)] voshem junii xx