It(em) cond zij allen dat roelof h(er)mans sone woenen(de) te geldenake es come(n)/ in teg(enwoirdicheit) d(er) scepen(en) van loeven(en) ende heeft genome(n) en(de) bekent dat hij genome(n)/ heeft van h(ere)n golijne loenijs canonic regulier en(de) meest(er) des cloest(er)s van/ sente g(er)truden te loeven(en) inden name en(de) van weghen des voirs(creven) cloesters/ tderdendeel vand(er) grooter thienden geheete(n) sente peters thienden gelegen/ te geldenake toebehoiren(de) den voirs(creven) cloeste(r) d(aer)af den capittel van sente pet(er)s/ te loeven(en) dand(er) tweedeel toebehoiren(de) es Te houden te hebben van sent jans/ misse naestcomen(de) een t(er)mijn van drie jae(re)n deen nae dand(er) sond(er) myddel/ volgen(de) elcx jaers dae(re)n bynne(n) voe(r) en(de) om drientwintich mudden rogs
//
goet en(de) payabel met wanne en(de) vede(re)n wael bereydt alsulken rogge als/ vand(er) selver thienden comen sal der maten van loeven(en) sente andries/ misse apostels te betalen en(de) te loeven int voirs(creven) cloeste(r) te leve(re)n den/ voirs(creven) t(er)mijne due(re)nde en(de) telken t(er)mijne alse v(er)volghde schout It(em) sal/ de voirs(creven) roelof sculdich sijn te dragen sijne(n) t(er)mijn due(re)nde alle den last/ en(de) trecht daer inne tvoirs(creven) cloester gericht es te geldene aen de kercke/ van geldenake sond(er) afslach vanden voirs(creven) pachte wijtvliet vynck junii/ xx